როგორ შეიცვალა ფასები სამრეწველო პროდუქციაზე საქართველოში

© Government of Georgiaმზის პანელების ქარხანა
მზის პანელების ქარხანა - Sputnik საქართველო
გამოწერა
ერთი წლის განმავლობაში ფასები ძირითადად გაიზარდა გადამამუშავებელი და სამთო მრეწველობის პროდუქციაზე, ასევე სურსათზე.

თბილისი, 27 ივლისი — Sputnik. სამრეწველო პროდუქციის მწარმოებლების ფასების ინდექსი 2020 წლის ივნისში, 2019 წლის ივნისთან შედარებით, 10,1%-ით გაიზარდა, ნათქვამია საქართველოს სტატისტიკის ეროვნული სამსახურის „საქსტატის" მასალებში.

ინდექსის ფორმირებაზე ძირითადად გავლენა მოახდინა გადამამუშავებელ ინდუსტრიაში ფასების ზრდამ 9,8%-ით, მათ შორის საკვებ პროდუქტებზე – 12,4%-ით და სამთო-მომპოვებელ მრეწველობაში – 24,5%-ით.

საქართველოში სურსათი გაიაფდა: ივნისში დაფიქსირდა დეფლაცია>>

ივნისში, მაისთან შედარებით, ფასები სამრეწველო პროდუქციაზე 1,2%-ით შემცირდა.

ადგილობრივი წარმოება

საქართველოში წარმოებული სამრეწველო პროდუქციის ფასები ივნისში, 2019 წლის ივნისთან შედარებით, 4,6%-ით გაიზარდა.

დოლარები და ევროს კუპიურები - Sputnik საქართველო
ეროვნული ბანკი საქართველოს სავალუტო ბაზრის რეფორმას იწყებს

ყველაზე მეტად ფასები გაიზარდა სამთო-მომპოვებელ ინდუსტრიაში – 9,6%-ით, გადამამუშავებელ მრეწველობაში – 6,1%-ით, მათ შორის საკვებ პროდუქტებზე – 6,7%-ით.

ექსპორტი და იმპორტი

ექსპორტირებული სამრეწველო პროდუქციის ფასების ინდექსი ივნისში, 2019 წლის იმავე თვესთან შედარებით, 15,3%-ით გაიზარდა.

სამთო-მომპოვებელი მრეწველობის პროდუქციის ფასები 41,6%-ით გაიზარდა. გადამამუშავებელი ინდუსტრიის ექსპორტირებული პროდუქციის ფასები გაიზარდა 12,6%-ით, მათ შორის საკვებ პროდუქტებზე – 23,7%-ით, ხოლო ლითონის ნაწარმზე – 16,5%-ით.

საქართველოში იმპორტირებული სამრეწველო პროდუქციის ფასები საანგარიშო პერიოდში 2,4%-ით გაიზარდა. ამავდროულად გადამამუშავებელი მრეწველობის იმპორტირებული პროდუქცია გაძვირდა 3%-ით.

შალვა ალავერდაშვილი - Sputnik საქართველო
კორონავირუსი და ფასები: ყველაფერი გაძვირდა, ეს – გაიაფდა

სამომხმარებლო ფასები

ინფლაციის წლიურმა დონემ მაისში შეადგინა 6,1%, როდესაც მიზნობრივი მაჩვენებელია 3%. საკვებზე ფასები ერთ წელიწადში გაიზარდა 13,6%-ით. ექსპერტები ფასების ზრდას ახალი კორონავირუსის პანდემიით გამოწვეულ კრიზისს უკავშირებენ.

2019 წლის სექტემბრიდან ეროვნულმა ბანკმა დაიწყო პოლიტიკის გამკაცრება, რათა გაცვლითი კურსის გაუფასურებით გამოწვეული ინფლაციური ზეწოლა გაანეიტრალოს. შედეგად – რეფინანსირების განაკვეთი 6,5%-დან 9%-მდე გაიზარდა. თუმცა, მიმდინარე წლის აპრილის ბოლოს ეროვნულმა ბანკმა რეფინანსირების განაკვეთის ეტაპობრივად შემცირების გადაწყვეტილება მიიღო, კერძოდ, განაკვეთი 9%-დან 8,5%-მდე შეამცირა.

ყველა ახალი ამბავი
0