თბილისი, 4 თებერვალი — Sputnik. 2019 წელს საქართველოში ექსპლუატაციაში 2,5 მილიონი კვადრატული მეტრი ფართობის 2 508 ობიექტი შევიდა, ნათქვამია საქართველოს სტატისტიკის ეროვნული სამსახურის ("საქსტატი") მასალებში.
2018 წელთან შედარებით, ექსპლუატაციაში მიღებული ობიექტების ფართობის მოცულობა 21,8%–ით გაიზარდა, მათი რიცხვი კი 0,4%–ით შემცირდა.
ექსპლუატაციაში შესული ობიექტების ნახევარზე მეტი სამ რეგიონზე – თბილისზე, კახეთსა და შიდა ქართლზე მოდის.
რეგიონების ტოპ–5 2019 წლის განმავლობაში ჩაბარებული ობიექტების მიხედვით
| რეგიონი | ობიექტების რაოდენობა | წილი ობიექტების საერთო რაოდენობაში % |
| თბილისი | 870 | 34,7 |
| კახეთი | 354 | 14,1 |
| ქვემო ქართლი | 241 | 9,6 |
| იმერეთი | 206 | 8,2 |
| მცხეთა–მთიანეთი | 203 | 8,1 |
2019 წელს საქართველოში ხელისუფლების მუნიციპალური ორგანოების მიერ გაცემულია 10,7 ათასი ნებართვა 7,6 მილიონი კვადრატული მეტრი ფართობის მშენებლობაზე.
2018 წელთან შედარებით, გაცემული ნებართვების რაოდენობა 5,3%–ით გაიზარდა, ფართობი კი 21,7%–ით გაფართოვდა.
გაცემული ნებართვების საერთო რიცხვიდან 71% სამ რეგიონზე – თბილისზე, ქვემო ქართლსა და აჭარაზე მოდის
რეგიონების ტოპ-5 2019 წელს მშენებლობაზე გაცემული ნებართვების მიხედვით
| რეგიონი | ნებართვების რიცხვი | წილი გაცემული ნებართვების საერთო რაოდენობიდან % |
| თბილისი | 5 222 | 48,8 |
| აჭარა | 1 252 | 11,7 |
| ქვემო ქართლი | 1 134 | 10,6 |
|
მცხეთა–მთიანეთი |
653 | 6,1 |
| იმერეთი | 610 | 5,7 |
კომპეტენტური ორგანოები წლის დასაწყისიდან სხვადასხვა შენობების მშენებლობაზე გასცემდნენ ნებართვებს – მრავალფუნქციურ საცხოვრებელ კომპლექსებზე, სასტუმროებზე, სავაჭრო ობიექტებზე, ქარხნებზე, სასოფლო–სამეურნეო ობიექტებზე და ა.შ. თუმცა, ძირითადი ნაწილი საცხოვრებელ კომპლექსებზე მოდის.
