17:01 26 მაისი 2020
პირდაპირი ეთერი
  • EUR3.4801
  • 100 RUB4.4615
  • USD3.1916
ეკონომიკა
მოკლე ბმულის მიღება
საქართველოს ეკონომიკა (584)
8710

ინფორმაცია საპრივატიზაციო ქონების შესახებ სახელმწიფო ქონების ეროვნული სააგენტოს ვებ-გვერდზეა გამოქვეყნებული, სადაც ნებისმიერ მსურველს შესაძლებლობა აქვს გაეცნოს სხვადასხვა საინვესტიციო წინადადებას და მიიღოს მონაწილეობა ელექტრონულ აუქციონში.

თბილისი, 30 იანვარი — Sputnik. თბილისში, რიყის პარკში განთავსებული ე.წ. რიყის დოქები აუქციონზე გაიყიდება, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ ჟურნალისტებთან.

ორი გიგანტური „დოქისგან“ შექმნილი ექსტრავაგანტური კომპოზიცია, რომლებშიც საკონცერტო და საგამოფენო დარბაზები უნდა განთავსებულიყო, 95 მილიონ ლარად შეფასდა.

„ჩვენ ვაპირებთ ე.წ. რიყის დოქების „100 საპრივატიზაციო ობიექტის“ სიაში შეყვანას. ამ ობიექტის საპრივატიზაციოდ მომზადებას რაღაც დრო დასჭირდება. მასზე ძალზე დიდი თანხა დაიხარჯა. სამწუხაროდ, დღემდე ამ ობიექტმა ვერ იპოვა თავისი გამოყენება, ფუნქცია, არადა, ძალიან თვალსაჩინო ადგილზე, თბილისის შუაგულში, ტურისტებისთვის ერთ-ერთ ყველაზე საინტერესო ადგილზე მდებარეობს. იგი 95 მილიონ ლარად შეფასდა, იმის გათვალისწინებით, თუ რამდენი დაიხარჯა მის აშენებაზე. სწორედ გამჭვირვალე აუქციონის გზით შევძლებთ გავტესტოთ, თუ რამდენად რელევანტურია ეს ფასი დღევანდელი საბაზრო მოთხოვნების მიმართ. ჩვენი ამოცანაა – ღია, საჯარო აუქციონის გზით მოვუძებნოთ ამ ობიექტს სწორი დატვირთვა", – განაცხადა თურნავამ.

ამასთან, მან აღნიშნა, რომ მთავრობა არ უკარნახებს ბიზნესს, თუ რა დანიშნულება შეიძლება ჰქონდეს ამ ობიექტს.

Здание выставочного центра и концертного зала в парке Рике
© Sputnik / Alexander Imedashvili
შენობა, სადაც საკონცერტო დარბაზი უნდა განთავსებულიყო

ინფორმაცია საპრივატიზაციო ქონების შესახებ სახელმწიფო ქონების ეროვნული სააგენტოს ვებ-გვერდზეა გამოქვეყნებული, სადაც ნებისმიერ მსურველს შესაძლებლობა აქვს გაეცნოს სხვადასხვა საინვესტიციო წინადადებას და მიიღოს მონაწილეობა ელექტრონულ აუქციონში.

სიაში შესულია თბილისსა და ქვეყნის სხვადასხვა რეგიონში არსებული უძრავი ქონება, რომელიც სახელმწიფოს კუთვნილებაა. მათ შორისაა სამრეწველო ობიექტები, სამედიცინო დაწესებულებები, სპორტული ინფრასტრუქტურა, სასტუმროები და ა.შ.

თემები:
საქართველოს ეკონომიკა (584)

მთავარი თემები