ახალი 10 ლარიანი ბანკნოტები მიმოქცევაში ოქტომბრიდან გამოვა

© photo: National Bank of Georgia / FBახალი 10 ლარიანი კუპიურა
ახალი 10 ლარიანი კუპიურა - Sputnik საქართველო
გამოწერა
ეროვნული ბანკის პრეზიდენტმა უკვე გამოსცა დადგენილება, რომელიც ახალ ბანკნოტებს რამდენიმე დღეში გადახდის კანონიერ საშუალებად აქცევს.

თბილისი, 27 სექტემბერი — Sputnik. ქართული ეროვნული ვალუტის, 10 ლარის ნომინალის განახლებული ბანკნოტები მიმოქცევაში 1 ოქტომბრიდან გამოვა, იუწყება საზოგადოებრივი მაუწყებლის „პირველი არხი“. 

ახალი 10 ლარიანი კუპიურის პრეზენტაცია - Sputnik საქართველო
როგორ გამოიყურება განახლებული 10-ლარიანი ბანკნოტი

ეროვნული ბანკის პრეზიდენტმა უკვე გამოსცა დადგენილება, რომელიც ახალ ბანკნოტებს რამდენიმე დღეში გადახდის კანონიერ საშუალებად აქცევს. მის პარალელურად მიმოქცევაში ასევე დარჩება ამჟამად არსებული იგივე ნომინალის ბანკნოტებიც.

განახლებული ბანკნოტის წინა მხარეს, რომლის პრეზენტაციაც მიმდინარე წლის ივნისში შედგა, გამოსახულია აკაკი წერეთლის განსხვავებული პორტრეტი, გაუმჯობესებული რელიეფურობითა და მოცულობით. მასზე ასევე არის დატანილი ნაწყვეტი აკაკის ლექსიდან „გაზაფხული“, პოეტის ავტოგრაფი, აყვავებული რტო და მერცხალი.

ბანკნოტის უკანა მხარეს წარმოდგენილია მხატვარ დავით კაკაბაძის ცნობილი ნახატი „იმერეთი — დედაჩემი“ და საქართველოს სახელმწიფო გერბი.

 

 

ყველა ახალი ამბავი
0