16:35 20 ივლისი 2019
პირდაპირი ეთერი
  • EUR3.2410
  • 100 RUB4.5787
  • USD2.8845
ივანე მაჭავარიანი

დღგ-ს ზედმეტობას ბიზნესი ავტომატურ რეჟიმში 15 თებერვლიდან დაიბრუნებს

© Ministry of Finance of Georgia / FB
ეკონომიკა
მოკლე ბმულის მიღება
საქართველოს ბიზნეს–გარემო (14)
201 0 0

მინისტრის თქმით, სისტემის ტესტირების რეჟიმი დასრულებულია და იანვრის ოპერაციების შედეგად ვისაც წარმოექმნება დღგ-ს ზედმეტობა, 15 თებერვალს თანხას ავტომატურ რეჟიმში დაიბრუნებს.

თბილისი, 29 იანვარი — Sputnik. ბიზნესი დღგ-ს ზედმეტობას ავტომატურ რეჟიმში 15 თებერვლიდან დაიბრუნებს, იუწყება საზოგადოებრივი მაუწყებლის პირველი არხი.

საქართველოში დღგ 18%-ს შეადგენს და მოქმედი სისტემით, მისი ზედმეტობა დღგ-ს გადამხდელ კომპანიას ერთი თვის ვადაში უბრუნდება.

ფინანსთა მინისტრის ივანე მაჭავარიანის განცხადებით, 2018 წელს დღგ-ს ზედმეტობის სახით უპრეცედენტო თანხა - 521 მლნ ლარი დაუბრუნდა ბიზნესს. თუმცა, ეს შედეგი დაიდო, როცა ჯერ კიდევ ე.წ. ხელის რეჟიმში მიმდინარეობდა პროცესი - ანუ მოთხოვნა შემოდიოდა კომპანიებიდან, შემდეგ ამას სამინისტროს უწყებები განიხილავდნენ, ხდებოდა რისკების შეფასება და ა.შ.

„ამჟამად, ჩვენ ყველაფერი გადაგვაქვს ავტომატურ რეჟიმში, სადაც გვჯერა, რომ 90% ყველა მოთხოვნილი თანხისა 24 საათში დაუბრუნდება ბიზნესს. ჩვენ ისე ავაწყვეთ რისკების სისტემა, რომ, პრაქტიკულად, როდესაც მოთხოვნა დაფიქსირდება, იგი მომენტალურად გადის რისკების პროგრამას. პროგრამა დავხვეწეთ ისე, რომ სრულად ვართ დარწმუნებული, 90% თუ არა მეტი კომპანიების გაივლის ამ ბარიერს", - განაცხადა ივანე მაჭავარიანმა თბილისში მიმდინარე ეკონომიკურ კონფერენციაზე „საქართველო და მსოფლიო 2019 წელს“.

მინისტრის თქმით, სისტემის ტესტირების რეჟიმი დასრულებულია და იანვრის ოპერაციების შედეგად ვისაც წარმოექმნება დღგ-ს ზედმეტობა, 15 თებერვალს თანხას ავტომატურ რეჟიმში დაიბრუნებს.

ავტომატური სისტემის სრულფასოვანი ამოქმედების შემდეგ, ბიზნესს არ ექნება შეხება ბიუროკრატიასთან. სპეციალურად შექმნილი პროგრამული უზრუნველყოფა და ინფრასტრუქტურა ავტომატურ რეჟიმში  5 დღის ვადაში დააბრუნებს დღგ-ს ზედმეტობას.

თემები:
საქართველოს ბიზნეს–გარემო (14)

მთავარი თემები