საქართველოდან ექსპორტზე 11 თვეში რეკორდული რაოდენობის ღვინო გავიდა

© FB / Georgian unique wineქართული ღვინო
ქართული ღვინო - Sputnik საქართველო
გამოწერა
2018 წლის იანვარ-ნოემბერში ექსპორტირებული ღვინის ღირებულება 184,1 მლნ აშშ დოლარია, რაც გასული წლის ანალოგიურ პერიოდთან შედარებით 19% მეტია.

თბილისი, 5 დეკემბერი — Sputnik. 2018 წლის იანვარ-ნოემბერში  საქართველოდან მსოფლიოს 53 ქვეყანაში ექსპორტირებულია 78 მილიონამდე ბოთლი ღვინო (0,75 ლ), რაც 11%-ით აღემატება 2017 წლის ამავე პერიოდის მონაცემებს, იუწყება ღვინის ეროვნული სააგენტო.

„მიმდინარე წლის 11 თვის მაჩვენებელმა უკვე გადააჭარბა 2017 წლის მთლიან ექსპორტს, როდესაც საქართველოდან ბოლო თითქმის 30 წლის რეკორდული რაოდენობის, 76,7 მლნ ბოთლი ღვინის ექსპორტი განხორციელდა“, – აღნიშნეს ღვინის ეროვნულ სააგენტოში.

ქართული ღვინო თბილისობაზე - Sputnik საქართველო
„ღვინო და კულინარია“ - ასზე მეტმა გიდმა გადამზადების კურსი გაიარა

ექსპორტი გაზრდილია ქართული ღვინის სტრატეგიულ ბაზრებზე: დიდი ბრიტანეთი - 34% (103724), იაპონია - 30% (201275 ბოთლი), პოლონეთი - 27% (3026652) და აშშ - 3% (456376).

ფიქსირდება ზრდა ევროპისა და ამერიკის მიმართულებით: რუმინეთი - 477% (99774), ჩეხეთი - 69% (57708), ნიდერლანდები - 41% (72249), ლიეტუვა - 19% (439980),  საფრანგეთი - 15% (113885), ესტონეთი - 11% (509840), ლატვია - 10% (1612234), გერმანია - 9% (439638), კანადა - 7% (173538) და ა.შ.

ასევე გაიზარდა ექსპორტი ტრადიციულ ბაზრებსა და აზიის მიმართულებით: თურქმენეთი -  102% (135294), ყირგიზეთი - 34% (179610), აზერბაიჯანი - 31% (146256), მონღოლეთი - 27% (214398), უკრაინა - 24% (9525172), ყაზახეთი - 10% (3396452), რუსეთი - 11% (48587707), სამხრეთ კორეა - 275% (68124), სინგაპური 6700% - (40800) და სხვა.                    

ექსპორტიორი ქვეყნების პირველი ხუთეულია: რუსეთი  (48587707), უკრაინა (9525172),  ჩინეთი  (6275909), ყაზახეთი  (3396452) და პოლონეთი (3026652).  

2018 წლის იანვარ-ნოემბერში ექსპორტირებული ღვინის ღირებულება 184,1 მლნ აშშ დოლარია, ზრდამ გასული წლის ანალოგიურ პერიოდთან შედარებით 19% შეადგინა.

ქართული სუფრა - Sputnik საქართველო
„სტუმარი სუფრასთან“ – National Geographic-მა საქართველოზე „გემრიელი“ სტატია „გამოაცხო“

ამასთან, იანვარ-ნოემბერში საქართველოდან მსოფლიოს 25 ქვეყანაში ექსპორტირებულია 17,8 მლნ ბოთლი (0,5 ლ) ბრენდი, რაც 9%-ით აღემატება გასული წლის 11 თვის მონაცემებს.

 ბრენდის ექსპორტით მიღებულმა შემოსავლებმა 36,4 მლნ აშშ დოლარს მიაღწია, ზრდამ კი 3% შეადგინა.

საანგარიშო პერიოდში საქართველოდან მსოფლიოს 26 ქვეყანაში ექსპორტირებულია 360 ათასი ბოთლი (0,5 ლ) ჭაჭა, ზრდამ შეადგინა 43%.

სულ ექსპორტირებულია 1 მლნ აშშ დოლარის ღირებულების ჭაჭა, რაც 32%-ით აღემატება გასული წლის ანალოგიური პერიოდის მაჩვენებელს.

ღვინის, ბრენდის, ჭაჭის, საბრენდე სპირტისა და ჩამოსასხმელი ბრენდის ექსპორტით მიღებულმა შემოსავლებმა ჯამში 281 მლნ აშშ დოლარს მიაღწია, რაც 10%-ით აღემატება გასული წლის იანვარ-ნოემბრის მაჩვენებელს.  

ყველა ახალი ამბავი
0