რა მოგება მოუტანა ბანკებს სავალუტო ოპერაციებმა 2018 წელს

© photo: Sputnik„საქართველოს ბანკის“ ერთ-ერთი ფილიალი
„საქართველოს ბანკის“ ერთ-ერთი ფილიალი - Sputnik საქართველო
გამოწერა
ექვს თვეში კომერციულმა ბანკებმა ვალუტის ყიდვა-გაყიდვიდან 111,1 მილიონი ლარის მოგება მიიღეს

თბილისი, 8 აგვისტო — Sputnik. ექვს თვეში კომერციულმა ბანკებმა ვალუტის ყიდვა-გაყიდვიდან 111,1 მილიონი ლარის მოგება მიიღეს, იუწყება ტელეკომპანია Imedi „ბიზნესპრესნიუსზე“ დაყრდნობით.

მიმდინარე წლის პირველ კვარტალში კომერციულმა ბანკებმა სავალუტო ოპერაციებისგან 63,5 მლნ ლარის შემოსავალი მიიღეს, ხოლო მეორე კვარტალში — 47,6 მლნ ლარის.

დოლარის კუპიურები - Sputnik საქართველო
რეზერვების შევსება და კურსის შენარჩუნება: ეროვნული ბანკი ორ კურდღელს ერთდროულად იჭერს
  

2018 წლის მეორე კვარტალში კომერციული ბანკების ხუთეული ვალუტის ყიდვა-გაყიდვის ოპერაციებიდან მიღებული მოგების მხრივ ასე გამოიყურება:  „თიბისი ბანკი“ – 51 მლნ ლარი, „საქართველოს ბანკი“ — 43 მლნ ლარი, „ტერა ბანკი“ – 5,5 მლნ ლარი, ბანკი „ქართუ“ – 2,8 მლნ ლარი, „პროკრედიტ ბანკი“ – 2,3 მლნ ლარი.

ეროვნული ბანკის ვებ-გვერდზე განთავსებული ინფორმაციის თანახმად, საქართველოში მოქმედებს მართვადი მცურავი გაცვლითი კურსის რეჟიმი, რადგანაც მცურავი გაცვლითი კურსი ხელს უწყობს გრძელვადიან ეკონომიკურ ზრდას უფრო მეტად, ვიდრე ეს ფიქსირებული კურსის პირობებში იქნებოდა შესაძლებელი. აქედან გამომდინარე ეროვნული ბანკის ამოცანას არ წარმოადგენს ლარის კურსის ფიქსაცია, შესაბამისად, არ ხდება ბანკის ჩარევა სავალუტო ბაზრის პროცესში, გარდა გამონაკლისი შემთხვევებისა, როდესაც ადგილი აქვს კურსის მკვეთრ ცვლილებას.

ყველა ახალი ამბავი
0