თბილისი, 23 აპრილი – Sputnik. ქართულ–აზერბაიჯანული კომპანია AG telecom–ის ელექტრონული საქონლის მწარმოებელმა საწარმომ დროებით შეაჩერა LED ტელევიზორების წარმოება, იუწყება ტელეკომპანია Imedi.
„ბოლო ორი წლის განმავლობაში ქართული წარმოების 4 ათასი LED ტელევიზორის წარმოება განხორციელდა, ამ ეტაპზე ყველა არსებული მარაგი სრულიად ამოიწურა, რაც ქართული ტელევიზორების წარმოების შეჩერების მიზეზი გახდა“, – განაცხადა კომპანიის დირექტორმა მიხეილ ღლონტმა ტელეარხის ეთერში.
მისი თქმით, ამ ეტაპზე კომპანიამ თანხის მობილიზება სხვა პროექტზე გადაწყვიტა, თუმცა, LED ტელევიზორების წარმოების განახლება იგეგმება.
საწარმო უშვებდა LED ტელევიზორებს: 32–დუიმიანი (380 ლარი) და 40–დუიმიანი (575 ლარი).
საქართველოში წარმოებულ ტელევიზორებზე მაღალი მოთხოვნა იყო, განსაკუთრებით კორპორატიული კლიენტების, კერძოდ, სასტუმროებს მხრიდან, რაც მარაგის ამოწურვის მიზეზი გახდა, განაცხადა კომპანიის დირექტორმა.
„საქართველო ელექტრომობილებს გამოუშვებს“>>
საქართველო–აზერბაიჯანული კომპანიის AG telecom ელექტრონული საქონლის საწარმო რუსთავში 2014 წლის ივნისში გაიხსნა. საქართველოში წარმოებული ტელევიზორების რეალიზაცია 2016 წლის მაისში დაიწყო.