თბილისი, 12 მარტი – Sputnik. ურეკს წლის ბოლომდე უწყვეტი წყალმომარაგება ექნება. ამჟამად მიმდინარეობს წყალმომარაგების, კანალიზაციის სისტემისა და გამწმენდი ნაგებობის მშენებლობა, ნათქვამია საქართველოს რეგიონული განვითარებისა და ინფრასტრუქტურის სამინისტროს განცხადებაში.
ურეკში წყალმომარაგების ცენტრალიზებული სისტემა არ არსებობდა. როგორც სამინისტროში აღნიშნავენ, პროექტის დასრულების შემდეგ ადგილობრივი მოსახლეობა 24–საათიანი წყალმომარაგებით იქნება უზრუნველყოფილი, კანალიზაციის ახალი გამწმენდი ნაგებობის მშენებლობის დასრულების შედეგად კი შემცირდება გარემოზე მავნე ზემოქმედება.
პროექტის ჯამური ღირებულება 78 მლნ ლარზე მეტია, სამუშაოებზე დასაქმებულია 200 —ზე მეტი ადამიანი.
მშენებლობას გაერთიანებული წყალმომარაგების კომპანია ახორციელებს. სამუშაოები დააფინანსა აზიის განვითარების ბანკმა.