თბილისი, 12 იანვარი — Sputnik. 2017 წლის ივლისში საქართველოს ჩინეთის ბიზნეს–დელეგაცია ეწვევა 100-ზე მეტი წარმომადგენლით. საქართველო-ჩინეთის ბიზნეს–ფორუმის გამართვის შესახებ განცხადება ბიზნეს–გაერთიანება "საქართველოს დამსაქმებელთა ასოციაციასა" (GEA) და ჩინეთის საერთაშორისო ვაჭრობის ხელშეწყობის საბჭოს (CCPITBJ) შორის გამართულ შეხვედრაზე გაკეთდა, იუწყება საქართველოს დამსაქმებელთა ასოციაცია.
ბიზნეს–ფორუმი გაიმართება პროექტის “ერთი მსოფლიო, ერთი სარტყელის” ფარგლებში. როგორც ჩინეთის მხარემ აღნიშნა, საქართველოში ვიზიტი ასტანაში გამართული სამთვიანი მსოფლიო ბიზნეს–ფორუმის გაგრძელება იქნება. მათი სურვილია, ჩინეთის ბიზნეს–დელეგაცია გამოუყვეს ე.წ. აბრეშუმის გზას, რათა მაქსიმალურად განავითარონ სავაჭრო ურთიერთობები ბიზნეს–ფორუმების, გამოფენების საშუალებით.
