საქართველოს ეკონომიკურმა ზრდამ პირველ კვარტალში 2,3% შეადგინა

© https://www.facebook.com/economyprმინის ტარის მწარმოებელი ქარხანა "მინა"
მინის ტარის მწარმოებელი ქარხანა მინა - Sputnik საქართველო
გამოწერა
ეკონომიკურ ზრდას, ძირითადად, გარე ფქტორები უშლის ხელს. რეგიონში არსებული მძიმე ეკონომიკური ვითარება საქონლის ექსპორტიდან და მომსახურებიდან შემოსავლებზე უარყოფითად აისახება, აღნიშნულია საქართველოს ეროვნული ბანკის მასალებში.

თბილისი, 8 მაისი — Sputnik. საქართველოში რეალურმა ეკონომიკურმა ზრდამ 2016 წლის მარტში, გასული წლის ანალოგიურ პერიოდთან შედარებით, 2,3% შეადგინა.

ამასთან, ეკონომიკურმა ზრდამ საქართველოში მარტის თვეში, გასული წლის ანალოგიურ პერიოდთან შედარებით, 3,4% შეადგინა, აღნიშნულია „საქსტატის“ მასალებში.

თბილისი - Sputnik საქართველო
მსოფლიო სავალუტო ფონდი საქართველოს მთავრობას 2016 წელს ეკონომიისაკენ მოუწოდებს

საქართველოს ეროვნული ბანკის პროგნოზის თანახმად, ქვეყნის ეკონომიკური ზრდა 2016 წელს 3%-ის ფარგლებში იქნება. ბოლო პერიოდში ქართულ ეკონომიკაზე დადებითი გავლენა მოახდინა საინვესტიციო აქტიურობამ, განსაკუთრებით სამშენებლო დარგში. ვარაუდობენ, რომ ეს ტენდენცია წლის განმავლობაში გაგრძელდება.

თუმცა, ეროვნულ ვალუტაში ნომინირებულ კრედიტებზე საპროცენტო განაკვეთის ზრდა და ბანკების საკრედიტო პორტფელის ზრდის შესუსტება მთლიან მოთხოვნას ასუსტებს. საქართველოს ეკონომიკაზე ძლიერ გავლენას ახდენს საგარეო სექტორი, ხოლო გლობალური ეკონომიკა ჯერ კიდევ სუსტია და რეგიონის ქვეყნებს პრობლემები ჯერ კიდევ აქვთ.

მეორე მხრივ, ექსპორტისა და ფულადი გადარიცხვების შემცირების ტემპის შემცირება, ტურიზმიდან შემოსავლების ზრდა, ასევე იმპორტის კორექტირება გარე დისბალანსის გადალახვას უწყობს ხელს, აღნიშნულია ეროვნული ბანკის მასალებში

საერთაშორისო სავალუტო ფონდმა საქართველოში 2016 და 2017 წლებში მშპ-ის ზრდის პროგნოზი 2,5% და 4,5%-მდე შეამცირა. მანამდე საერთაშორისო სავალუტო ფონდი საქართველოში 2016 წელს მშპ-ის ზრდას 3%-ს, ხოლო 2017 წელს — 5%-ს ვარაუდობდა. საქართველოს მთავრობა, თავის მხრივ, ეკონომიკურ ზრდას 3%-ს პროგნოზირებს.

საერთაშორისო სავალუტო ფონდის პროგნოზით, საქართველოს ყველა მეზობელ ქვეყანაში ეკონომიკურ ზრდასთან დაკავშირებით, პრაქტიკულად, ანალოგიური ვითარებაა. კერძოდ, 2016 წელს სომხეთში მშპ შემცირდება 1,9%-ით, რუსეთში —1,8%-ით, ხოლო აზერბაიჯანში — 3%-ით. რაც შეეხება თურქეთს, სავალუტო ფონდი წელს ეკონომიკის ზრდას 3,8%-ით ვარაუდობს.


ყველა ახალი ამბავი
0