23:49 12 დეკემბერი 2017
პირდაპირი ეთერი
ვაშინგტონი

აშშ–ის ფედერალურმა სარეზერვო სისტემამ საბაზო განაკვეთი 0,25–0,5%–მდე გაზარდა

© Sputnik/ Игорь Михалев
ეკონომიკა
მოკლე ბმულის მიღება
1301

განაკვეთი 17 დეკემბრიდან იზრდება. განაკვეთის გაზრდის შედეგად გაზრდილი ვოლატილურობა რიგ მსოფლიო ეკონომიკებზე შეიძლება ნეგატიურად აისახოს და დოლარის გამყარება გამოიწვიოს.

თბილისი, 17 დეკემბერი – Sputnik. აშშ–ის ფედერალური სარეზერვო სისტემის ღია ბაზრების კომიტეტმა, მორიგი სხდომის შედეგების მიხედვით, 2006 წლის 29 ივნისის შემდეგ პირველად, საბაზო პროცენტული განაკვეთი რეკორდულად დაბალი – 0–0,25%  დონიდან 0,25–0,5%–მდე გაზარდა, აღნიშნულია რეგულატორის პრეს–რელიზში.

ამგვარად, საბაზო პროცენტული განაკვეთის საშუალო სიდიდე წლიურ 0,375%–ს შეადგენს. განაკვეთი 17 დეკემბერიდან იზრდება.

აშშ–ის ფედერალური სარეზერვო სისტემა ბოლო თვეების განმავლობაში ქვეყანაში ეკონომიკური ზრდის ზომიერ დაჩქარებას აღნიშნავს. საოჯახო მეურნეობის ხარჯები კარგი ტემპებით იზრდებოდა. საცხოვრებელ სექტორში ვითარების გაუმჯობესება გრძელდება. ასევე ფედერალური სარეზერვო სისტემა შრომის ბაზარზე ვითარების გაუმჯობესების თაობაზე აცხადებს. ამასთან, ექსპორტის დინამიკა სუსტი რჩება. ქვეყანაში ინფლაცია კვლავინდებურად მიზნობრივ დონეზე 2%–ით ქვევით რჩება და ენერგომატარებლებსა და მთლიანად იმპორტზე ფასების კლებას ნაწილობრივ ასახავს.

„ინფლაცია საშუალოვადიან პერსპექტივაში, სავარაუდოდ, 2%–მდე გაიზრდება“, – აღნიშნულია განცხადებაში.


მთავარი თემები