თბილისი, 23 ივნისი — Sputnik. საქართველოს საგარეო ბრუნვამ დსთ-ის ქვეყნებთან 2015 წლის იანვარ–მაისში 1 მლრდ 127 მლნ აშშ დოლარი შეადგინა, რაც 2014 წლის იანვარ-მაისთან შედარებით 22%-ით ნაკლებია, იუწყება საქართველოს სტატისტიკის ეროვნული სააგენტო „საქტსტატი“.
ამასთან, ექსპორტმა შეადგინა 228 მლნ აშშ დოლარი (46%-ით ნაკლები), ხოლო იმპორტმა 789 მლნ აშშ დოლარი (3%-ით ნაკლები).
დსთ-ის ქვეყნების წილად საქართველოს საგარეო ბრუნვის საერთო მოცულობის 29 % მოდის (2014 წლის იანვარ-მაისში მოცემული მაჩვენებელი 32%-ს უტოლდებოდა).
დსთ-ის ქვეყნების წილად საქართველოს უარყოფითი სავაჭრო ბალანსიდან 21% მოდის (2014 წლის იანვარ-მაისში ეს მაჩვენებელი 9% ირო).
საქართველოს საგარეო ბრუნვამ 2015 წლის იანვარ-მაისში 3 მლრდ 917 მლნ აშშ დოლარი შეადგინა (არაორგანიზებული ვაჭრობის გაუთვალისწინებლად), რაც 13%-ით ნაკლებია 2014 წლის ანალოგიურ პერიოდთან შედარებით.
