თბილისი, 22 მაისი – Sputnik. ბათუმში ქართულ-უკრაინული ბიზნეს-ფორუმი იმართება. ღონისძიება აჭარის ავტონომიური რესპუბლიკის ფინანსთა და ეკონიმიკის სამინისტროს მიერაა ორგანიზებული.
„ფორუმის ფარგლებში უკრაინული კომპანიები გაეცნობიან პრეზენტაციებს რეგიონის საინვესტიციო და ტურისტული პოტენციალის, ბათუმში მიმდინარე ინფრასტრუქტურული პროექტებისა და ქალაქის ეკონომიკური განვითარების შესახებ“, — ნათქვამია ორგანიზატორთა მიერ გავრცელებულ განცხადებაში.
პრეზენტაციების შემდეგ გაიმართება შეხვედრები სამშენებლო, ტურიზმის, ინფორმაციული ტექნოლოგიების, საგანმანათლებლო და სამედიცინო სფეროებში მომუშავე უკრაინულ და ქართულ კომპანიებს შორის.
ფორუმის ფარგლებში გაიმართება ქართული და უკრაინული სხვადასხვა სფეროს კომპანიების, მათ შორის: მშენებლობის, ტურიზმისა და საინფორმაციო ტექნოლოგიების სფეროების წარმომადგენლების ორმხრივი შეხვედრები.
