https://sputnik-georgia.com/20210717/saqarTvelos-xelovnebis-muzeumi-sxva-SenobaSi-gadava-252349197.html
საქართველოს ხელოვნების მუზეუმი სხვა შენობაში გადავა
საქართველოს ხელოვნების მუზეუმი სხვა შენობაში გადავა
Sputnik საქართველო
5 აგვისტოსთვის მოიძებნება შენობა მუზეუმის თანამშრომელთა და ექსპონატების განთავსებისთვის, ხოლო მთლიანად მუზეუმი იქ 2022 წლის 5 თებერვლისთვის გადავა. 17.07.2021-ს, Sputnik საქართველო
2021-07-17T20:30+0400
2021-07-17T20:30+0400
2023-08-17T19:45+0400
ახალი ამბები
საქართველო
კულტურა საქართველოში
https://cdnn1.img.sputnik-georgia.com/img/23455/09/234550920_0:0:1377:778_1920x0_80_0_0_94a11f35dd4cb9bdf96e48b8047e209f.jpg
თბილისი, 17 ივლისი – Sputnik. თავისუფლების მოედანზე პუშკინის სკვერთან მდებარე შალვა ამირანაშვილის სახელობის ხელოვნების მუზეუმის შენობა მთლიანად დაიცლება 2022 წლის 5 თებერვლისთვის, ნათქვამია კულტურის სამინისტროს განცხადებაში.კულტურის მინისტრმა უკვე დაამტკიცა მუზეუმის ევაკუაციის გეგმა, რომლის მიხედვით 5 აგვისტოსთვის მოიძებნება შენობა მუზეუმის თანამშრომელთა და ექსპონატების განთავსებისთვის, ხოლო მთლიანად მუზეუმი იქ 2022 წლის 5 თებერვლისთვის გადავა.გუდიაშვილის და პუშკინის ქუჩებზე მდებარე ძველი შენობის ორივე ფლიგელი დაინგრევა, რადგან მზიდი კონსტრუქციების დიდი გადახრების, დეფორმაციების, ტექნოგენური და ატმოსფერული წყლების ჩამოდინებისა და რღვევების გამო შეუძლებელია შენობის ამ ნაწილის შენარჩუნება და გაძლიერება.„შენობას არც სართულშუა გადახურვის და არც სახურავის დონეებზე არ გააჩნია ანტისეისმური სარტყლები, რის გამოც ის არ აკმაყოფილებს სეისმურობის ელემენტარულ სტანდარტებს“, - ნათქვამია განცხადებაში.სამინისტროს ინფორმაციით, შენობის მხოლოდ ცენტრალური შესასვლელის გაძლიერება არის შესაძლებელი.კულტურის სამინისტროს გეგმის მიხედვით, მუზეუმის ფონდების უსაფრთხო განთავსებისთვის ახალ შენობაში ჩატარდება რემონტი და მხოლოდ ამის შემდეგ მოხდება კოლექციების გადატანა. 2021 წლის სექტემბერში მუზეუმიდან პირველ რიგში გაიტანენ ქსოვილებისა და ნაქარგების კოლექციას, ხოლო ყველაზე ბოლოს - მუზეუმის ოქროს ფონდს.მუზეუმის ავარიული მდგომარეობის გამო კულტურის მინისტრმა 4 ივლისს მუზეუმის საგანგებო მდგომარეობაზე გადასვლის შესახებ განაცხადა და შემდგომი ტრანსპორტირებისთვის ყველაზე ძვირფასი ექსპონატების მდგომარეობის შეფასების მიზნით ექსპერტთა ჯგუფი შეკრიბა.საქართველოს ხელოვნების მუზეუმი განთავსებულია ყოფილი სასულიერო სემინარიის შენობაში, რომელიც 1848 წელს აშენდა.ყველაზე ღირებული ექსპონატია თამარ მეფის ოქროს ჯვარი წარწერით, შემკული ზურმუხტებით, ლალებითა და მარგალიტებით. არანაკლებ ღირებულია ბაგრატ III (999 წ.) ოქროს თასი. მუზეუმის ექსპონატია აგრეთვე საქართველოს უძველესი ხატი (VI ს.) - ანჩის კარედი ხატი - მაცხოვრის „ხელთუქმნელი ხატი“ (ანჩისხატი). მუზეუმის კიდევ ერთი სიამაყეა შუასაუკუნეების მონეტების დიდი კოლექცია (VIII-XIII სს.).გარდა ამისა, მუზეუმში განთავსებულია ევროპელი ოსტატების ნახატები, ჩინური და იაპონური ხელოვნების ნიმუშები, ეგვიპტური, ირანული და ინდური ხელოვნების ძეგლები, თავშლები ინდოეთიდან, თურქეთიდან, ირანიდან, სპარსული ხალიჩები. რუსი მხატვრების ი. რეპინის, ვ. სურიკოვის, ვ. სეროვის, ი. აივაზოვსკის, ა. ვასნეცოვის ნახატები და უდიდესი ქართველი მხატვრის, ნიკო ფიროსმანის ნახატების უმდიდრესი კოლექცია.
https://sputnik-georgia.com/20210717/sicocxle-da-sikvdili-didebuli-pompei-vanis-muzeumSi-gamofena-sazeimod-gaixsna-252348502.html
https://sputnik-georgia.com/20210711/qeTevan-dedoflis-wminda-nawili-saqarTveloSia-sazeimo-Rvtismsaxureba-samebaSi-252278390.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, კულტურა საქართველოში
ახალი ამბები, საქართველო, კულტურა საქართველოში
საქართველოს ხელოვნების მუზეუმი სხვა შენობაში გადავა
20:30 17.07.2021 (განახლებულია: 19:45 17.08.2023) 5 აგვისტოსთვის მოიძებნება შენობა მუზეუმის თანამშრომელთა და ექსპონატების განთავსებისთვის, ხოლო მთლიანად მუზეუმი იქ 2022 წლის 5 თებერვლისთვის გადავა.
თბილისი, 17 ივლისი – Sputnik. თავისუფლების მოედანზე პუშკინის სკვერთან მდებარე შალვა ამირანაშვილის სახელობის ხელოვნების მუზეუმის შენობა მთლიანად დაიცლება 2022 წლის 5 თებერვლისთვის, ნათქვამია კულტურის სამინისტროს
განცხადებაში.
კულტურის მინისტრმა უკვე დაამტკიცა მუზეუმის ევაკუაციის გეგმა, რომლის მიხედვით 5 აგვისტოსთვის მოიძებნება შენობა მუზეუმის თანამშრომელთა და ექსპონატების განთავსებისთვის, ხოლო მთლიანად მუზეუმი იქ 2022 წლის 5 თებერვლისთვის გადავა.
გუდიაშვილის და პუშკინის ქუჩებზე მდებარე ძველი შენობის ორივე ფლიგელი დაინგრევა, რადგან მზიდი კონსტრუქციების დიდი გადახრების, დეფორმაციების, ტექნოგენური და ატმოსფერული წყლების ჩამოდინებისა და რღვევების გამო შეუძლებელია შენობის ამ ნაწილის შენარჩუნება და გაძლიერება.
„შენობას არც სართულშუა გადახურვის და არც სახურავის დონეებზე არ გააჩნია ანტისეისმური სარტყლები, რის გამოც ის არ აკმაყოფილებს სეისმურობის ელემენტარულ სტანდარტებს“, - ნათქვამია განცხადებაში.
სამინისტროს ინფორმაციით, შენობის მხოლოდ ცენტრალური შესასვლელის გაძლიერება არის შესაძლებელი.
კულტურის სამინისტროს გეგმის მიხედვით, მუზეუმის ფონდების უსაფრთხო განთავსებისთვის ახალ შენობაში ჩატარდება რემონტი და მხოლოდ ამის შემდეგ მოხდება კოლექციების გადატანა. 2021 წლის სექტემბერში მუზეუმიდან პირველ რიგში გაიტანენ ქსოვილებისა და ნაქარგების კოლექციას, ხოლო ყველაზე ბოლოს - მუზეუმის ოქროს ფონდს.
მუზეუმის ავარიული მდგომარეობის გამო კულტურის მინისტრმა 4 ივლისს მუზეუმის საგანგებო მდგომარეობაზე გადასვლის შესახებ განაცხადა და შემდგომი ტრანსპორტირებისთვის ყველაზე ძვირფასი ექსპონატების მდგომარეობის შეფასების მიზნით ექსპერტთა ჯგუფი შეკრიბა.
საქართველოს ხელოვნების მუზეუმი განთავსებულია ყოფილი სასულიერო სემინარიის შენობაში, რომელიც 1848 წელს აშენდა.
ყველაზე ღირებული ექსპონატია თამარ მეფის ოქროს ჯვარი წარწერით, შემკული ზურმუხტებით, ლალებითა და მარგალიტებით. არანაკლებ ღირებულია ბაგრატ III (999 წ.) ოქროს თასი. მუზეუმის ექსპონატია აგრეთვე საქართველოს უძველესი ხატი (VI ს.) - ანჩის კარედი ხატი - მაცხოვრის „ხელთუქმნელი ხატი“ (ანჩისხატი). მუზეუმის კიდევ ერთი სიამაყეა შუასაუკუნეების მონეტების დიდი კოლექცია (VIII-XIII სს.).
გარდა ამისა, მუზეუმში განთავსებულია ევროპელი ოსტატების ნახატები, ჩინური და იაპონური ხელოვნების ნიმუშები, ეგვიპტური, ირანული და ინდური ხელოვნების ძეგლები, თავშლები ინდოეთიდან, თურქეთიდან, ირანიდან, სპარსული ხალიჩები. რუსი მხატვრების ი. რეპინის, ვ. სურიკოვის, ვ. სეროვის, ი. აივაზოვსკის, ა. ვასნეცოვის ნახატები და უდიდესი ქართველი მხატვრის, ნიკო ფიროსმანის ნახატების უმდიდრესი კოლექცია.
