კლასიკური მუსიკის მოყვარულთ წინანდლის ფესტივალზე იწვევენ

© courtesy of Faig Huseynovწინანდალი
წინანდალი - Sputnik საქართველო, 1920, 16.04.2021
გამოწერა
ფესტივალის დღეებში სექტემბერში კახეთში საორკესტრო, კამერული, საოპერო მუსიკის 33 კონცერტი გაიმართება.

თბილისი, 16 აპრილი – Sputnik. წინანდალში კლასიკური მუსიკის ერთ-ერთი ყველაზე მასშტაბური ფესტივალი Tsinandali Festival 2021 წლის 8–19 სექტემბერს გაიმართება, იუწყებიან ორგანიზატორები. 

ჯანსუღ კახიძის სახელობის მუსიკალური ცენტრი - Sputnik საქართველო, 1920, 14.04.2021
თბილისი ბეთჰოვენის მუსიკის საღამოს უმასპინძლებს

წინანდლის წლევანდელი ფესტივალი კიდევ უფრო საინტერესო და მასშტაბური პროგრამით ბრუნდება. უნიკალურ წინანდლის მამულში მსმენელის წინაშე მსოფლიოში ცნობილი 24 არტისტი 33 კონცერტით წარდგება, აცხადებენ ორგანიზატორები. 

ფესტივალში მონაწილეობას მიიღებენ მევიოლინე მარკ ბუშკოვი, პიანისტები ელენა ბაშკიროვა, ლიზა ბათიაშვილი, ეფიმ ბრონფმანი, პიანისტი და დირიჟორი კრისტოფ ეშენბახი, ვიოლონჩელისტი ამანდა ფორსაიტი, მევიოლინე ბლითე ენგსტროემი, პიანისტი მაო ფუჯიტა, ოპერის მომღერალი მატიას გოერნე, მომღერალი თომას ჰამფსონი და ა.შ.

ფესტივალს დაესწრებიან სტუმრები რუსეთიდან: ვიოლონჩელისტი ალექსანდრ რამი, პიანისტი სერგეი რედკინი, მევიოლინე ვადიმ რეპინი და პიანისტი მიხაილ პლეტნიოვი.

ორგანიზატორების განმარტებით, ყველა კონცერტი ღია ცის ქვეშ, კოვიდ-რეგულაციების სრული დაცვით ჩატარდება. ფესტივალის პროგრამისა და ბილეთების შესახებ ინფორმაცია ღონისძიების ოფიციალურ პორტალზე მოგვიანებით გამოქვეყნდება. 

ჯანსუღ კახიძის ცენტრი - Sputnik საქართველო, 1920, 29.03.2021
ხანგრძლივი პაუზის შემდეგ – თბილისში მოცარტის მუსიკა აჟღერდება

წინანდლის ფესტივალი სახელმწიფო და კერძო სექტორის – ტურიზმის ეროვნული ადმინისტრაციისა და კომპანია Silk Road Group-ის ერთობლივი ინიციატივაა. მემორანდუმი მათი თანამშრომლობის შესახებ 2017 წლის იანვარში გაფორმდა.

Tsinandali Festival-ის დამფუძნებლები გახდნენ შვეიცარიის ვერბიეს (Verbier) ფესტივალის დამფუძნებელი მარტინ ენგსტრემი, მისი თანამოაზრე, ისრაელის ფილარმონიის ორკესტრის გენერალური დირექტორი ავი შოშანი და ქართველი ბიზნესმენი და ფილანტროპი გიორგი რამიშვილი.

ფესტივალის გენერალური დირექტორია ცნობილი რეჟისორი დავით საყვარელიძე, სამხატვრო ხელმძღვანელი – ჯანანდრეა ნოზედა.

სპეციალურად ფესტივალის ჩასატარებლად წინანდალში 900 სტუმარზე გათვლილი მუსიკალური დარბაზი, 60-ნომრიანი სასტუმრო, ღია ამფითეატრი, ბიბლიოთეკა, საკონფერენციო დარბაზები და მულტიფუნქციური სივრცეები აშენდა. პროექტის ფარგლებში ასევე შეიქმნა საერთაშორისო მუსიკალური აკადემია, რომელთანაც ჩამოყალიბდა ახალგაზრდული ორკესტრი 60 მუსიკოსის შემადგენლობით.

ყველა ახალი ამბავი
0