გარდაიცვალა ალექსანდრე ხომერიკი

© photo: Tserovani N2 Public schoolალექსანდრე ხომერიკი
ალექსანდრე ხომერიკი - Sputnik საქართველო
გამოწერა
ცნობილი საოპერო მომღერალი, შოთა რუსთაველის პრემიის ლაურეატი, ბათუმის საპატიო მოქალაქე, საერთაშორისო კონკურსების ლაურეატი 72 წლის იყო.

თბილისი, 28 დეკემბერი – Sputnik. ცნობილი საოპერო მომღერალი, საქართველოს სახალხო არტისტი ალექსანდრე ხომერიკი 72 წლის ასაკში გარდაიცვალა.

ხომერიკი 1977 წელს, როდესაც ჯერ კიდევ თბილისის სახელმწიფო კონსერვატორიის სტუდენტი იყო, ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრში მიიწვიეს.

ანთებული კანდელი - Sputnik საქართველო
გარდაიცვალა ცნობილი ტელეწამყვანი და მსახიობი ჯულიეტა ვაშაყმაძე

ხომერიკმა 1981–1982 წლებში სტაჟირება გაიარა მილანის „ლა სკალას“ თეატრში. მის მიერ შესრულებული საოპერო პარტიებიდან გამოირჩევა: აბესალომი, მალხაზი (ზაქარია ფალიაშვილის „აბესალომ და ეთერი“, „დაისი“), ბერდო (რევაზ ლაღიძის „ლელა“), ლენსკი, ვოდემონი (პეტრე ჩაიკოვსკის „ევგენი ონეგინი“, „იოლანტა“), ხოზე (ჟორჟ ბიზეს „კარმენი“), კავარადოსი (ჯაკომო პუჩინის „ტოსკა“), მანრიკო, რადამესი, ალფრედი, ჰერცოგი, ოტელო (ჯუზეპე ვერდის „ტრუბადური“, „აიდა“, „ტრავიატა“, „რიგოლეტო“, „ოტელო“) და სხვ.

ხომერიკი 1993 წლიდან ბათუმის ოპერისა და ბალეტის თეატრს ხელმძღვანელობდა და ამავე თეატრის სოლისტი იყო.

დაჯილდოებულია შოთა რუსთაველისა და მემედ აბაშიძის სახელობის პრემიებით.

ყველა ახალი ამბავი
0