თბილისში ინდოეთის დამოუკიდებლობის დღეს აღნიშნავენ

© Sputnik / Denis Aslanovმეჰენდის ხელოვნება
მეჰენდის ხელოვნება - Sputnik საქართველო
გამოწერა
დღესასწაულზე სტუმრებს ელოდება ინდური და ქართული ხალხური ცეკვები, სიმღერები, ასევე ტრადიციული ინდური მოხატვა ინით

თბილისი, 13 აგვისტო — Sputnik. მთაწმინდის პარკში 15 აგვისტოს ინდოეთის დამოუკიდებლობის 74-ე დღე აღინიშნება, ნათქვამია ორგანიზატორების Facebook-გვერდზე.

როგორი ამინდი იქნება თბილისში 15 აგვისტოს >>

ღონისძიებას ატარებს არასამთავრობო ორგანიზაცია „კულტურული მრავალფეროვნება მშვიდობიანი მომავლისთვის" და ინდური კულტურის ცენტრი „ლაკშმი".

ჰოლი მზის სხივებითა და აყვავებული ბუნების მხიარული ფერებით გაჟღენთილი გაზაფხულის დღესასწაულია - Sputnik საქართველო
ნათელი ფერების მაგია: ინდოეთში „ჰოლი„ აღნიშნეს - ფოტო

„გეპატიჟებით მეგობრებო, რომ იყოთ მისი ნაწილი და დატკბეთ ღონისძიებით: ინდური ცეკვებით, სიმღერით და ასევე ქართული ხალხური ცეკვებით. სტუმრებს ექნებათ შესაძლებლობა, რომ ინდური მეჰენდით მოიხატონ ხელი, რომელსაც ინდოელი სტუდენტები გაუკეთებენ მსურველებს“, - პირდებიან ორგანიზატორები.

ინდოეთის დამოუკიდებლობის დღე ყოველწლიურად 15 აგვისტოს აღინიშნება. ინდოეთში მთავარი ცერემონიები ტარდება ნიუ-დელიში, სადაც პრემიერ-მინისტრი წითელი ფორტის თავზე ეროვნულ დროშას აღმართავს, წარმოთქვამს სიტყვას, რომლის ტრანსლაცია მთელი ქვეყნის მასშტაბით მიმდინარეობს. პრემიერი იხსენებს მთავრობის მიღწევებს განვლილი წლის განმავლობაში, აყენებს მნიშვნელოვან საკითხებს და სამომავლო გეგმებზე საუბრობს.

ინდოეთის დამოუკიდებლობის დღის აღნიშვნის მნიშვნელოვანი ნაწილია კაშკაშა მსვლელობა, რომელიც წარმოაჩენს ინდოეთის კულტურულ მრავალფეროვნებას, ქვეყნის მიღწევებს მეცნიერებასა და ტექნიკაში, ასევე მის სამხედრო შესაძლებლობებს.

ყველა ახალი ამბავი
0