„სიყვარულის ეიფორია“ – პანტომიმის თეატრში პრემიერა მაყურებლის გარეშე გაიმართება

© photo: courtesy of Georgian State Pantomime Theaterპანტომიმის თეატრის მსახიობი
პანტომიმის თეატრის მსახიობი - Sputnik საქართველო
გამოწერა
პირველად თეატრის არსებობის ისტორიაში სპექტაკლის ჩვენება მაყურებლის გარეშე ჩაივლის, უცვლელი მხოლოდ დადგმის თემატიკაა – სიყვარული.

თბილისი, 6 მაისი - Sputnik. თბილისის ამირან შალიკაშვილის სახელობის პანტომიმის სახელმწიფო თეატრის სცენაზე სპექტაკლის „სიყვარულის ეიფორია“ პრემიერა 13 მაისს, 19:00 საათზე მაყურებლის გარეშე გაიმართება – წარმოდგენის ნახვა თეატრის ოფიციალურ Facebook-გვერდზე პირდაპირ ეთერში იქნება შესაძლებელი. 

ოპერის თეატრი - Sputnik საქართველო
„ვერთერი“ ონლაინ: თბილისის ოპერისა და ბალეტის თეატრი ვირტუალურ სპექტაკლზე გეპატიჟებათ

„სპექტაკლში ასახულია სხვადასხვა ადამიანის ცხოვრებაში სასიყვარულო ემოციებისგან გამოწვეული მოვლენების განვითარება. ესენი არიან ადამიანები, რომლებიც სრულიად განსხვავდებიან ერთმანეთისგან ხასიათით, ცხოვრების წესით, სურვილებით და მიზნებით. თუმცა, თითოეულის ცხოვრებაში სიყვარული გარდამტეხ როლს ასრულებს, ცვლის ჩვეულ რიტმს, იწვევს სხვადასხვა წინააღმდეგობებს და დასასრულიც სხვადასხვა აქვს“, – ნათქვამია სპექტაკლის ანონსში.

როგორც აღინიშნება, დადგმა ასევე ეხება მსოფლიოში ამჟამად განვითარებულ მოვლენებს.

დადგმის რეჟისორი დავით შალიკაშვილია, ქორეოგრაფი - ნინო ლორთქიფანიძე. სპექტაკლში მონაწილეობენ იაკო მიმინოშვილი და ბექა არსენიძე. სპექტაკლი თბილისის მერიის ფინანსური მხარდაჭერით დაიდგა და თეატრის 55 წლის იუბილეს ეძღვნება.

ყველა ახალი ამბავი
0