თბილისში ნინო ჩაკვეტაძის საშობაო გამოფენა გაიხსნება

© photo: Sputnikნინო ჩაკვეტაძე
ნინო ჩაკვეტაძე - Sputnik საქართველო
გამოწერა
გამოფენაზე მხატვრის მიერ შესრულებულ საინტერესო ნამუშევრებთან ერთად წარმოდგენილი იქნება ნაძვის ხის ძველი სათამაშოების უნიკალური კოლექცია.

თბილისი, 6 დეკემბერი – Sputnik. ცნობილი ქართველი მხატვრის ნინო ჩაკვეტაძის ნახატების საშობაო გამოფენა–გაყიდვა გალერეა Nocha-ში 10 დეკემბერს გაიხსნება.

დამთვალიერებელი იხილავს 20 ახალ ფერწერულ ტილოს. გალერეაში ასევე შესაძლებელი იქნება მხატვრის მიერ გაფორმებული სადღესასწაულო აქსესუარებისა და საჩუქრების შეძენა, რომელთა შორისაა ლამაზი კალენდრები, ღია ბარათები, ნაძვის ხის სათამაშოები, სუფრები და სხვა სუვენირები. 

აქვე იქნება წარმოდგენილი ნაძვის ხის ძველი სათამაშოების უნიკალური კოლექცია.

„ჩვენს გალერეაში დაგხვდებათ თბილი, ნოსტალგიური და საშობაო განწყობა!“ – ნათქვამია ღონისძიების ორგანიზატორების განცხადებაში.

გამოფენის დათვალიერება გალერეა Nocha-ში (მ. ზანდუკელის ქუჩა, 12) 18 იანვრის ჩათვლით იქნება შესაძლებელი. გალერეა მუშაობს ყოველდღე, 12:00-დან 19:00 საათამდე. ახალი წლის დღეებში – 1 და 2 იანვარს გალერეა დაკეტილი იქნება, 3 რიცხვიდან კი ჩვეულ რეჟიმში გააგრძელებს მუშაობას.

ყველა ახალი ამბავი
0