ქართული ჯგუფი „მგზავრები“ მოსკოვში კონცერტს გამართავს

© photo: Mgzavrebi / FBჯგუფი „მგზავრები“
ჯგუფი „მგზავრები“ - Sputnik საქართველო
გამოწერა
ქართველი მუსიკოსები შეასრულებენ კომპოზიციებს ალბომიდან „გეო“ და ასევე მივიწყებულ სიმღერებს.

თბილისი, 15 ივლისი - Sputnik. რუსეთში პოპულარული ქართული ჯგუფი „მგზავრები“ მოსკოვის „მწვანე თეატრში“ 26 ივლისს სოლო კონცერტს გამართავს, იუწყებიან ორგანიზატორები.

მუსიკოსები შეასრულებენ კომპოზიციებს ახალი ალბომიდან „გეო“, ასევე ძველ სიმღერებს, რომლებიც პუბლიკას დიდი ხანია, აღარ მოუსმენია.

თეონა კონტრიძე - Sputnik საქართველო
თეონა კონტრიძე რუსეთში კონცერტების შეწყვეტას არ აპირებს

მოსკოვის გარდა, „მგზავრები“ უახლოეს მომავალში გეგმავენ რამდენიმე კონცერტის ჩატარებას რუსეთის დიდ ქალაქებში: 27 ივლისს – დონის როსტოვში, 3 აგვისტოს – ეკატერინბურგში და 7 სექტემბერს – სოჭში, ფესტივალზე Global Rainbow fest.

ჯგუფი „მგზავრები“ ვოკალისტმა გიგი დედალამაზიშვილმა 2006 წელს დააარსა. 2008 წელს გამოვიდა სადებიუტო ალბომი „მე მოვიგონე“, რომელმაც საქართველოში დიდი პოპულარობა მოიპოვა.

ჯგუფის მუსიკოსები გამოირჩევიან შესრულების ინდივიდუალური მანერით, რომელშიც ერთმანეთს ერწყმის ფოლკლორული რიტმი, მრავალხმიანობა, იმპროვიზაცია, ასევე თანამედროვე და კლასიკური ელემენტები. 2016 წლის თებერვალში „მგზავრებმა“ რუსეთში ნომინაციაში Взлом პრემია Чартова Дюжина მოიპოვა.

„მგზავრები“ აქტიურად მართავენ კონცერტებს რუსეთში, უკრაინასა და, რა თქმა უნდა, საქართველოში.

დიანა ღურწკაია - Sputnik საქართველო
რას ფიქრობს დიანა ღურწკაია საქართველოში რუსი ტურისტების მასპინძლობაზე

ივნისის მიწურულს რუსეთ-საქართველოს შორის ურთიერთობის გამწვავების გამო რუსეთში კონცერტის გამართვაზე უარი თქვა ქართველმა მომღერალმა ნინო ქათამაძემ. სოციალურ ქსელებში კრიტიკის შემდეგ მომღერალმა ბოდიში მოიხადა რუსეთში მორიგი გამოსვლის გამო – 22 ივნისს მან რუსეთის დედაქალაქში სიმღერები შეასრულა ფესტივალზე Усадьба Jazz. საქართველოში შექმნილი ვითარების გამო, თავის მხრივ, ბათუმში დაგეგმილი კონცერტი გადადო ასევე ჯგუფმა A-Studio-მ და მისმა სოლისტმა ქეთა თოფურიამ.

 

ყველა ახალი ამბავი
0