14:28 21 აგვისტო 2019
პირდაპირი ეთერი
  • EUR3.2445
  • 100 RUB4.3846
  • USD2.9275
ქართველი ქალები ეროვნულ სამოსში

საქართველოში ეროვნული სამოსის დღე აღინიშნება: რა ღონისძიებებია დაგეგმილი დღის განმავლობაში

© Sputnik / Alexander Imedashvili
კულტურა
მოკლე ბმულის მიღება
საქართველო და კულტურა (299)
91 0 0

ეროვნული სამოსის დღის ფარგლებში კოსტიუმირებული აღლუმები, გამოფენები, კონცერტები მოეწყობა, სადაც ქვეყნის ნებისმიერ მოქალაქეს და საქართველოს სტუმარს საკუთარი ეროვნული კოსტიუმით შეუძლია მონაწილეობის მიღება

თბილისი, 18 მაისი  - Sputnik.  ეროვნული სამოსის დღეს თბილისსა და საქართველოს 30-ზე მეტ ქალაქში კოსტიუმირებული დღესასწაული გაიმართება, ნათქვამია ღონისძიების ორგანიზატორების Facebook-გვერდზე გავრცელებულ განცხადებაში.

გავრცელებული ინფორმაციით, დღის განმავლობაში დაგეგმილია კარნავალის ტიპის კოსტიუმირებული აღლუმები, გამოფენები, კონცერტები და სხვადასხვა ტიპის ღონისძიებები, რომელიც დაკავშირებულია საქართველოს ისტორიულ-კულტურულ მემკვიდრეობასთან.

კოსტიუმირებულ მსვლელობებში, ქართველების გარდა, ნებისმიერი ეროვნების ადამიანი საკუთარი ეროვნული კოსტიუმით შეძლებს მონაწილეობის მიღებას.

თბილისში კოსტუმირებული მსვლელობა 17 საათზე, ავლაბრის აღმართიდან მეტეხის ხიდისკენ გაიმართება. ასევე დაგეგმილია ფლეშმობი და ნაციონალური ტანსაცმლის წითელ ხალიჩაზე წარდგენა.

ღონისძიება გალა კონცერტით დასრულდება.

თემები:
საქართველო და კულტურა (299)

მთავარი თემები