თბილისი, 28 იანვარი — Sputnik. ცნობილ საცეკვაო შოუს „საქართველოს ლეგენდები“, რომელიც მაყურებელს აცნობს საქართველოს, მის ლეგენდებსა და ხალხს, წელს რუსეთში ნახავენ – მოსკოვსა და სანქტ-პეტერბურგში, იუწყებიან ორგანიზატორები.
„განა ეს საოცრება არ არის?!“ – Euronews–ი სუხიშვილების შემოქმედებით აღფრთოვანებულია >>
მოცეკვავეთა დასის გამოსვლა მოსკოვში 8 თებერვალს Crocus City Hall-ის სცენაზე შედგება, ხოლო 10 თებერვალს – სანქტ-პეტერბურგში, საკონცერტო დარბაზში Октябрьский.
ორივე წარმოდგენა ადგილობრივი დროით 20:00 საათზე დაიწყება. ბილეთები უკვე იყიდება სალაროებში და ონლაინ.
მსოფლიო პრესის აღიარებით, შოუ „საქართველოს ლეგენდები“ თავისი მასშტაბითა და დრამატურგიით ჯობნის ჟანრის ლიდერებს – თანამედროვე საბალეტო შოუებს Riverdance-სა და Lord of the Dance-ს და მსოფლიოში ერთ-ერთი ყველაზე წარმატებული მუსიკალურ-ქორეოგრაფიული სანახაობაა, რომელიც რეალიზებულია სუპერშოუს შექმნის ულტრათანამედროვე ტექნოლოგიების გამოყენებით“, – ნათქვამია პროექტის ოფიციალურ ვებ-გვერდზე.
ინფორმაციაში აღნიშნულია, რომ მაყურებელი შოუში იხილავს ქართველების სიყვარულს სამშობლოსადმი, ვაჟკაცობას, სიკეთეს, ისტორიულ გამარჯვებებსა და ქალისადმი სიყვარულსა და პატივისცემას.
„ფრანგულმა გამოცემა Le Figaro-მ შოუს შესახებ დაწერა: „ეს არის სანახაობა, რომელიც თითოეულმა ადამიანმა ცხოვრებაში ერთხელ მაინც უნდა ნახოს!“. შოუ სავსეა საქართველოს სიყვარულით, სადაც ყველაფერი – ნიავი, დოლის და ზარების რეკვა, მთების დიადი დუმილი და მთის ნაკადულების მხიარული ჟღურტული – ყველაფერი ასოცირდება მუსიკასთან, სიმღერასთან და ცეკვასთან“, – წერენ შოუს ავტორები.
როგორც შოუს ვებ-გვერდზეა ნათქვამი, ქართველი არტისტებით აღფრთოვანებული იყო მაყურებელი ხუთი კონტინენტის 50-ზე მეტ ქვეყანაში, მათ შორის, მეფეები და სახელმწიფოს მეთაურები.
