05:24 22 იანვარი 2019
პირდაპირი ეთერი
  • EUR3.0283
  • 100 RUB4.0074
  • USD2.6613
Miss & Mister Planet 2018-ის ფინალი - ქართველი მონაწილე

რაშია სილამაზის მთავარი საიდუმლო - სილამაზის კონკურსების გამარჯვებულების პასუხი

© Sputnik / Alexander Imedashvili
კულტურა
მოკლე ბმულის მიღება
საქართველო და კულტურა (769)
12220

სხვადასხვა ქვეყნების სილამაზის კონკურსების გამარჯვებულებმა სილამაზის მთავარი საიდუმლო გაამხილეს

თბილისი, 10 იანვარი — Sputnik. რაშია ქალის სილამაზის მთავარი საიდუმლო? ამ შეკითხვაზე პასუხობდნენ მოდელები სხვადასხვა ქვეყნებიდან პრესკონფერენციაზე, რომელიც „Sputnik-საქართველოს“ მულტიმედიურ პრეს-ცენტრში გაიმართა.

თბილისში 10–11 იანვარს მეორედ იმართება International Beauty Talent and Fashion Awards World Rising Stars, რომელმაც მსოფლიოს სხვადასხვა ქვეყნიდან მოდის სამყაროს ყველაზე წარმატებულ და ნიჭიერ ადამიანებს შეკრიბა. თბილისში უკვე იმყოფება 130 სტუმარი სხვადასხვა ქვეყნიდან, მათ შორის ჩეხეთიდან, რუმინეთიდან, რუსეთიდან, უკრაინიდან, ალბანეთიდან, ინდოეთიდან და ა.შ. ღონისძიების დაწყებამდე ლამაზმანებმა სილამაზის საკუთარი რეცეპტი გაგვანდეს.

მოდელები Sputnik-საქართველოსთან სტუმრად >>

„სილამაზის საიდუმლო ჯანმრთელობასა და ბედნიერებაშია, ასევე იმაში, რომ ახლობლები ჯანმრთელად და ბედნიერად გვყავდეს. მაშინ სილამაზეც და სხვა ყველაფერიც იქნება“, - გამოგვიტყდა Miss Planet Tatarstan 2017 ლეილა მურუგოვა.

Лейла Муругова
© Sputnik / Vladimir Umikashvili.
ლეილა მურუგოვა

Miss Planet Tatarstan 2018-ის, ლალა ნაგოვიცინასთვის სილამაზის საიდუმლო პირველ რიგში ქალის ლამაზ სულშია და არა გარეგნობაში.

„ძალიან მნიშვნელოვანია შინაგანად სხივი გქონდეს. თუ სულში ყველაფერი კარგად არის, თუ ყველას სიკეთეს უსურვებ, ყველა გიყვარს, მაშინ ყველაფერი იქნება შესანიშნავად და ლამაზიც იქნები“, - ამბობს ნაგოვიცინა.

Ляля Ноговицина
© Sputnik / Vladimir Umikashvili.
ლალა ნაგოვიცინა

Mrs Planet 2018-ის ტიტულის მფლობელი ნინი შერმადინი მიიჩნევს, რომ ქალი მაშინ კი არ გამოიყურება შესანიშნავად, როდესაც გაბერილი ტუჩები და გრძელი ფეხები აქვს, არამედ როდესაც მას შეუძლია სიკეთის კეთება და არავისი შურს.

„რა თქმა უნდა, როდესაც ადამიანი ასხივებს სიკეთეს, უხარია სხვისი წარმატება, ტკბება სხვისი სილამაზით და ნიჭით - ეს მას უფრო ლამაზს ხდის. სილამაზის საიდუმლოა სიყვარული და სიკეთე. ისე კი ყველა ქალი თავისებურად ლამაზია“, - განაცხადა შერმადინმა.

Нини Шермадини
© Sputnik / Vladimir Umikashvili.
ნინი შერმადინი

Miss Planet of Czech Republic 2018 დომინიკა ვინსოვა დაეთანხმა კოლეგებს და ყურადღება მიაქცია უფრო ადამიანის შინაგან სამყაროს, ვიდრე მის გარეგნობას.

„ჩემთვის ყველაზე მნიშვნელოვანია ადამიანის შინაგანი სამყარო. ადამიანის სილამაზის განსაზღვრა შეიძლება იმით, თუ როგორია ის - კარგი თუ ცუდი“, - გამოტყდა ვინსოვა.

Доминика Винсова
© Sputnik / Vladimir Umikashvili.
დომინიკა ვინსოვა

World Rising Stars-ის მონაწილეებისთვის ღონისძიების ფარგლებში დაგეგმილია მრავალი ტური, საქველმოქმედო საღამო, ტალანტების შოუ, ექსკურსიები და ადგილობრივი ხელისუფლების წარმომადგენლებთან შეხვედრები.

თბილისში ასევე იმყოფებიან დიზაინერები მსოფლიოს 12 ქვეყნიდან, რომლებიც Biltmore Hotel Tbilisi-ში საკუთარ კოლექციებს წარმოადგენენ.

World Rising Stars-ის საინფორმაციო მხარდამჭერია საერთაშორისო საინფორმაციო სააგენტო და რადიო „Sputnik–საქართველო". წელს ღონისძიების ორგანიზატორებმა და „Sputnik–საქართველომ" ქველმოქმედებაში საკუთარი წვლილის შეტანა გადაწყვიტეს. ღონისძიებაზე დასასწრები ბილეთები არ იყიდება, მოწვეულ სტუმრებს კი სიმბოლური შესაწირის გაკეთება შეეძლებათ. შემოსული თანხა ობოლ და ჯანმრთელობის პრობლემების მქონე ბავშებს გადაერიცხებათ.

თემები:
საქართველო და კულტურა (769)

მთავარი თემები