14:57 20 აგვისტო 2018
პირდაპირი ეთერი
  • EUR2.9344
  • 100 RUB3.8267
  • USD2.5779
Market.TLV

ისრაელის პროექტი თბილისში: ქართველ დიზაინერებს ბაზრობაზე ელიან

© FB / Market.tlv
კულტურა
მოკლე ბმულის მიღება
საქართველო და კულტურა (615)
15 0 0

ბაზრობის სტუმრებს შესაძლებლობა ექნებათ არამარტო შეიძინონ სხვადასხვა დიზაინერის მიერ შექმნილი ნივთები, არამედ დატკბნენ სასიამოვნო მუსიკითა და გარემოთი.

თბილისი, 8 აგვისტო — Sputnik. ტრადიციული თელ-ავივის ბაზრობა Market.TLV ქართველ დიზაინერებს, მხატვრებს, ილუსტრატორებს, ფოტოგრაფებსა და ნიჭიერ სტარტაპერებს წელს უკვე მეორედ ეპატიჟება.

Market.TLV-ი თელ-ავივში წლის განმავლობაში რამდენჯერმე იმართება — შემოდგომაზე, ზამთარსა და გაზაფხულზე. ზაფხულში კი იგი სხვადასხვა ქალაქებში ორგანიზებას უწევს მოდის მიმდევრების ისრაელ დიზაინერებთან შეხვედრას.

წელს Market.TLV-ი თბილისში, მულტიფუნქციონალურ ცენტრ „ფაბრიკის" (ნინოშვილის 8) ტერიტორიაზე მაისში გაიმართა. ამჯერადაც ღონისძიება „ფაბრიკაში" გაიმართება და ორი დღე — 22-23 სექტემბერი — გასტანს.

„თუ შენ ხარ ტანსაცმლის, აქსესუარების ან ჩანთების დიზაინერი, ხარ ილუსტრატორი, ფლორისტი, სტარტაპერი ან უბრალოდ გაქვს საინტერესო ნივთები, რომლებიც გინდა ბაზარზე გაყიდო, მაშინ შენ ხელიდან არ უნდა გაუშვა ეს შანსი და მონაწილეობა მიიღო Market.TLV-ში", — ნათქვამია ორგანიზატორების განცხადებაში.

ბაზრობის სტუმრებს შესაძლებლობა ექნებათ არამარტო შეიძინონ სხვადასხვა დიზაინერის მიერ შექმნილი ნივთები, არამედ დატკბნენ სასიამოვნო მუსიკითა და გარემოთი. თბილისში Market.TLV-ის დათვალიერება ნებისმიერ მსურველს შეუძლია.

თემები:
საქართველო და კულტურა (615)

მთავარი თემები