საქართველოს დამოუკიდებლობის დღეს თანამედროვე ხელოვნება გაალამაზებს

© Sputnik / Levan Avlabreliდამოუკიდებლობის დღე
დამოუკიდებლობის დღე - Sputnik საქართველო
გამოწერა
საქართველოს დამოუკიდებლობის დღესთან დაკავშირებით საქართველოს მცხოვრებლებსა და სტუმრებს მრავალფეროვანი ღონისძიებები ელოდებათ

თბილისი, 24 მაისი — Sputnik. თანამედროვე ხელოვნების ტრადიციული ფესტივალი Fest I Nova 2018 კასპში „არტ ვილა გარიყულას" მულტიმედიურ ცენტრში 26 მაისს გაიმართება, ნათქვამია ღონისძიების Facebook-გვერდზე.

ფესტივალი, რომელიც წელს საქართველოს დამოუკიდებლობის დღეს და პირველი დემოკრატიული რესპუბლიკის 100 წლის იუბილეს ეძღვნება, სტუმრების დიდ ნაკადს ელოდება. ღონისძიებების ნაწილი ახალქალაქში — ახალქალაქის ბაზარში გაიმართება.

ფესტივალის პროგრამა:

12:00 – ძველმანების ბაზარი (ახალქალაქი);

14:00 – საზეიმო მსვლელობა ბაზრიდან ახალქალაქის გალავანთან;

15:30 – ფესტივალის ოფიციალური გახსნა, ტურნირი ქართულ ჭიდაობაში, ქვემეხის გასროლა ქალაქის გალავანთან (ახალქალაქი);

ფერების ფესტივალი - Sputnik საქართველო
ლაგოდეხში ფერების ფესტივალი გაიმართება

16:00 – ფრანების გაშვება (Art Villa Garikula);

18:00 – ისტორიკოს ირაკლი ხვადაგიანის ლექცია 1918-21 წლების საქართველოს დამოუკიდებლობის შესახებ (Art Villa Garikula);

18:00 – თემატური გამოფენა „გარიყული თავისუფლება" (ნათელა გრიგალაშვილისა და გურამ წიბახაშვილის ფოტოები);

19:00 – ფუტურისტული კოქტეილების და კოქტეილების წიგნის პრეზენტაცია (Art Villa Garikula);

19:30 – 22:00 – მუსიკალური საღამო: შემსრულებელი ანუშკა ჩხეიძე, ვიზუალი —დიზაინის ფაკულტეტის სტუდენტები (Art Villa Garikula).

თანამედროვე ხელოვნების საერთაშორისო ფესტივალი Fest I Nova პოლონური წარმოშობის ქართველ მხატვრებს, ძმებ ილია და კირილ ზდანევიჩებს ეძღვნება და 2009 წლიდან იმართება.

„არტ ვილა გარიყულა" კასპის რაონში მდებარეობს. სოფელ გარიყულაში თანამედროვე ხელოვნების ცენტრი მხატვარმა ყარამან ქუთათელაძემ დააარსა.

ყველა ახალი ამბავი
0