17:31 26 სექტემბერი 2018
პირდაპირი ეთერი
  • EUR3.0798
  • 100 RUB3.9875
  • USD2.6184
Rooms Hotel Tbilisi

„მაისის თბილი სიო" თბილისში – როგორ მოვაწყოთ სახლი

Photo: courtesy of RoomsHotelTbilisi
კულტურა
მოკლე ბმულის მიღება
საქართველო და კულტურა (668)
53 0 0

თბილისში გაიმართება გამოფენა, სადაც სტუმრები შეძლებენ მოდური ავეჯის, ქანდაკებებისა და ინსტალაციების დათვალიერებას.

თბილისი, 18 მაისი — Sputnik. თბილისში 18 მაისს გაიხსნება თანამედროვე საავტორო დიზაინის — ინტერიერისა და ექსტერიერის ექსპოზიცია „მაისის თბილი სიო" (Warm May Breeze), იუწყებიან ორგანიზატორები.

გამოფენაზე, რომელიც საქართველოს კულტურისა და სპორტის სამინისტროს მხარდაჭერით იმართება, წარმოდგენილი იქნება რატი და კახი ერაძის ნამუშევრები.

ექსპოზიცია ერთდროულად ორ სივრცეში მოეწყობა: ინტერიერი — სასტუმრო „რუმსის" საგამოფენო დარბაზში, ექსტერიერი — კაფე „თბილი სიოს" ბაღში.

18-20 მაისს გამოფენას უმასპინძლებს სასტუმრო „რუმსი" (კოსტავას 14), ხოლო 21-24 მაისს — კაფე „თბილი სიო" (პეტრიაშვილის 1).

რატი ერაძე დიზაინის სფეროში ოც წელზე მეტია მუშაობს. მისი ნამუშევრები გამოირჩევა ორიგინალობითა და მრავალფუნქციურობით. რატი ერაძე თანამედროვე დიზაინის სამყაროში ცნობილია როგორც არაორდინალური ოსტატი, რომელიც ინტერიერისა და ექსტერიერის უჩვეულო ნივთებს ქმნის.

კახი ერაძის მიერ წლების განმავლობაში შექმნილი ქანდაკებები და ობიექტები მრავალ ქვეყნაში და კოლექციაშია წარმოდგენილი. მისი ახალი ნამუშევრები გაჯერებულია მოდერნისტული ელემენტებით, პროგრესული ხასიათით და უჩვეულო ფორმებით.

თემები:
საქართველო და კულტურა (668)

მთავარი თემები