2018 წელს საბავშვო „ევროვიზია" მინსკში ჩატარდება

© AFP 2024 / Sergei SUPINSKY"ევროვიზია"
ევროვიზია - Sputnik საქართველო
გამოწერა
„ევროვიზიას" თბილისის შემდეგ ბელარუსი უმასპინძლებს.

თბილისი, 16 ოქტომბერი — Sputnik. საბავშვო სიმღერების კონკურსი „ევროვიზია“ ბელარუსში მეორედ გაიმართება, ნათქვამია ევროპის მაუწყებელთა კავშირის (ЕВС) ვებ-გვერდზე გავრცელებულ განცხადებაში.

გრიგოლ ყიფშიძე - Sputnik საქართველო
"საბავშვო ევროვიზია 2017"-ზე საქართველოს გრიგოლ ყიფშიძე წარადგენს

„ЕВС მოხარულია გაცნობოთ, რომ (კავშირის) ბელარუსელი წევრი „ბელტელერადიოკომპანია" 2018 წელს საბავშვო ევროვიზიას მინსკში უმასპინძლებს", — აღნიშნულია განცხადებაში.

ბელარუსის დედაქალაქში სიმღერის კონკურსი პირველად 2010 წელს ჩატარდა.

ბელარუსი 2003 წლიდან — „ევროვიზიის" დაარსებიდან — ყველა კონკურსში მონაწილეობს. ქვეყნის წარმომადგენლებმა კონკურსი ორჯერ მოიგეს — 2005 წელს ქსენია სიტნიკმა და 2007 წელს ალექსეი ჟიგალკოვიჩმა.

2017 წელს საბავშვო „ევროვიზიას" საქართველო მასპინძლობს. რიგით მე-15 ყოველწლიური საბავშვო სიმღერის კონკურსი თბილისის ოლიმპიურ სასახლეში 26 ნოემბერს გაიმართება. წელს კონკურსის სლოგანია  „ანათე" (Shine Bright).

საქართველოს საბავშვო „ევროვიზიის"კონკურსი სამჯერ აქვს მოგებული.

ყველა ახალი ამბავი
0