თბილისი, 18 ივნისი-Sputnik. ცნობილი რუსული საესტრადო ანსამბლი „ლენინგრადი“ პირველად გამოვიდა თბილისის სცენაზე- პოპულარული კოლექტივის კონცერტი 17 ივნისს გაიმართა თბილისის მუსიკალურ ფესტივალზე Tbilisi Open Air 2017.
ქართველი მსმენელისთვის სერგეი შნუროვმა, თავის მუსიკოსებთან და ორ ვოკალისტთან ერთად, იმღერა ცნობილი ჰიტები:„ Ленинград“, „ Точка Ру“, „ Экспонат“, „Дорожная“, „ ЗОЖ“, „В Питере-пить“, „Самая любимая“, „Менеджер“ და ბევრი სხვა. კონცერტის დასასრულ შესრულდა სიმღერა „Кольщик“.
ქართველი მსმენელი ანსამბლს ძალიან თბილად შეხვდა: ხალხი ცეკვავდა, ყვებოდა მომღერლებს და შნუროვის ყველა რეპლიკაზე რეაგირებდა.
ინსტაგრამის საკუთარ გვერდზე შნუროვმა უკვე გამოაქვეყნა ფოტოკადრები, სადაც ფესტივალის სრული სურათია მაყურებელთან ერთად.
თბილისური კონცერტის ფოტოები გამოაქვეყნა ანსამბლის სოლისტმა ქართული ფესვებით ფლორიდა ჭანტურიამ და მიაწერა —„თბილისი,მადლობა“.
რუსული კოლექტივის გამოსვლამდე, ფესტივალის მთავარ სცენაზე იმღერეს ქართულმა ანსამბლებმა Soft Eject, Eko & Vinda Folio, არა და LOUDspeakers.
Tbilisi Open Air თბილისში იმართება 2009 წლიდან. ამ ხნის მანძილზე მის სცენაზე უმღერიათ ისეთ ცნობილ მუსიკოსებს როგორიცაა- ზემფირა, დდტ,Placebo, Beth Hart, Black Label Society, Tiger Lilies, Soap and Skin და სხვებს.
წელს, Tbilisi Open Air ტარდება Lisi Wonderland-ის ტერიტორიაზე ლისის ტბის პირას. ფესტივალი გახსნა ჯგუფმა ლივერპულიდან Anatema. ფესტივალი დღეს დაიხურება ლონდონური ბენდის Archive გამოსვლით.
ჯგუფი „ლენინგრადი“ ცნობილია თავის ექსენტრიკული სიმღერებით, რომლებიც უხვადაა შეზავებული არანორმატიული ლექსიკითა და ალკოჰოლურ ყოფითი თამატიკით. კოლექტივი იყენებს სასულე ინსტრუმენტებს: საყვირი, საქსოფონი, ტრომბონი, ტუბა და სხვა.
