ბათუმი პრინტის საერთაშორისო ფესტივალს მასპინძლობს

© photo: Sputnik / Denis Aslanovპრინტის საერთაშორისო ფესტივალი
პრინტის საერთაშორისო ფესტივალი - Sputnik საქართველო
გამოწერა
ფესტივალის ექსპონატებს შორის წარმოდგენილია უნიკალური პრინტები სურათებზე, ჩანთებზე, ჭიქებზე, მაისურებზე, ტანსაცმელსა და სხვა აქსესუარებზე.

თბილისი, 18 აგვისტო — Sputnik. ბათუმი ხელით პრინტის საერთაშორისო ფესტივალს Life-N-Style პირველად მასპინძლობს.

ფესტივალი 17 აგვისტოს დაიწყო და 19 აგვისტოს ჩათვლით გაგრძელდება. ღონისძიებაში მონაწილეობენ თანამედროვე ოსტატები, მხატვრები და გრაფიკოსები აშშ-დან, დიდი ბრიტანეთიდან, გერმანიიდან, თურქეთიდან, სომხეთიდან და საქართველოდან.

ფესტივალი იმართება „თი-ბი-სი ბანკის“ ბათუმის გალერეაში, ხელოვნების მუზეუმისა და თანამედროვე ხელოვნების სივრცის დარბაზებში.

„Handmade Print — ეს ხელით ბეჭდვის თანამედროვე ვიზუალური ხელოვნება, კრეატიული ინდუსტრიისა და არტ-ბიზნესის ერთ-ერთი მნიშვნელოვანი დარგია. ხელით ბეჭდვა მთელ მსოფლიოში ძალიან მაღალ დონეზეა განვითარებული. და ამ დარგის პოპულარიზება მუდმივად ხდება საერთაშორისო ფესტივალებისა და ბიენალეების საშუალებით. ამავე დროს, პრინტი საქართველოში იაფფასიან პროდუქციასთან ასოცირდება“, — განუცხადა Sputnik-ს პროექტის დირექტორმა ნანა ყირმელაშვილმა.

© © Sputnik/ Denis Aslanovპრინტის საერთაშორისო ფესტივალი
პრინტის საერთაშორისო ფესტივალი - Sputnik საქართველო
პრინტის საერთაშორისო ფესტივალი

ღონისძიების ორგანიზატორების განცხადებით, პრინტის ფესტივალი შესანიშნავი შესაძლებლობაა თანამედროვე მხატვრების, კოლექციონერების, სპეციალისტებისა და მოყვარულების შემოქმედების სინთეზისთვის.

ნანა ყირმელაშვილის თქმით, ფესტივალ Life-N-Style-ის კონცეფცია — ახალ ინტერიერებში თანამედროვე ხელოვნების დანერგვა და თანამედროვე ცხოვრებაში ინტეგრაციაა.

© Denis Aslanovპრინტის საერთაშორისო ფესტივალი
პრინტის საერთაშორისო ფესტივალი - Sputnik საქართველო
პრინტის საერთაშორისო ფესტივალი

„პრინტი და ტექსტილი უკვე მრავალი წელია, ამ თემას ტანსაცმელსა და გამოყენებითი ხელოვნების დიზაინში იყენებს. გამოფენების პარალელურად ასევე ვგეგმავთ პრინტის სინთეზის პრეზენტაციას ტექსტილსა და კერამიკაზე“, — განაცხადა ფესტივალის დირექტორმა.

ბათუმის შემდეგ პრინტის საერთაშორისო ფესტივალი Life-N-Style საქართველოს სხვა ქალაქებშიც გაიმართება. ის მოგზაურობას თბილისში დაასრულებს.

© Denis Aslanovპრინტის ფესტივალის სტუმრები ბათუმში
პრინტის ფესტივალის სტუმრები ბათუმში - Sputnik საქართველო
პრინტის ფესტივალის სტუმრები ბათუმში

 

ყველა ახალი ამბავი
0