საფრანგეთში კინოფესტივალზე ქართულ მოკლემეტრაჟიან ფილმებს უჩვენებენ

© photo: Sputnik / Artem Zhitenev / გადასვლა მედიაბანკშიკინოლენტა
კინოლენტა - Sputnik საქართველო
გამოწერა
მოკლემეტრაჟიანი ფილმები- გიორგი თორდიას „დაკარგული სოფელი“ და თორნიკე ბზიავას „მექელეხე“ საფრანგეთში კლერმონ ფერანის მოკლემეტრაჟიანი ფილმების საერთაშორისო ფესტივალზეა წარდგენილი.

თბილისი, 18 იანვარი — Sputnik. 5-13 თებერვალს საფრანგეთში კლერმონ ფერანის მოკლემეტრაჟიანი ფილმების საერთაშორისო ფესტივალი გაიმართება, რომლის საკონკურსო პროგრამაშიც 2 ქართული ფილმი მონაწილეობს: თორნიკე ბზიავას "მექელეხე" და გიორგი თოდრიას "დაკარგული სოფელი", იტყობინება საქართველოს კინემატოგრაფიის ცენტრის პრესსამსახური. 

გიორგი თორდიას ფილმი „დაკარგული სოფელი“ შუა ხნის ცოლ-ქმრის ცხოვრებას ასახავს მიტოვებულ სოფელში, სადაც ერთ დღესაც დაცარიელებულ სახლებში შუქი ჩნდება, რაც ცოლ-ქმრის ცხოვრებას ცვლის. თითოეული მათგანი ამ მოვლენაზე სხვადასხვაგვარად რეაგირებს.

ბაბინა ძველი ფირით - Sputnik საქართველო
ესპანეთის კინოფესტივალზე ქართველი რეჟისორის ფილმმა 4 პრიზი მიიღო

ფილმმა უკვე მოასწრო მთავარი პრიზების მოპოვება ესპანეთის და ათენის კინოფესტივალებზე.

"მექელეხე" ეროვნული კინოცენტრის კონკურსის გამარჯვებული პროექტია, რომელიც კინოცენტრისა და თიბისი ბანკის მხარდაჭერით შეიქმნა.

ფილმი ღარიბი, ხანშიშესული მამაკაცის შესახებ მოგვითხრობს, რომელიც "ქელეხების" შესახებ გაზეთების საშუალებით იგებს, რათა დაესწროს მათ. თუმცა, ამ ერთი შეხედვით სევდიან მდგომარეობას თავისი გასართობი და კომიკური შედეგებიც აქვს.

თორნიკე ბზიავას ფილმი "მექელეხე" თბილისის საერთაშორისო კინოფესტივალზე საუკეთესო მოკლემეტრაჟიან ფილმად აღიარეს და ჯილდო "პრომეთე" გადასცეს.

კლერმონ ფერანის კინოფესტივალი მოკლემეტრაჟიანი ფილმების წამყვანი ფესტივალია, რომელსაც ყოველწლიურად 100 000 მაყურებელი ესწრება.

 

 

ყველა ახალი ამბავი
0