რა ღირს 2017 წლის საახალწლო სუფრა

© Sputnik / Alexander Imedashviliქართული სადღესასწაულო სუფრა
ქართული სადღესასწაულო სუფრა - Sputnik საქართველო
გამოწერა
„Sputnik-საქართველოს“ ავტორმა ეკატერინე მიქარიძემ თბილისის ბაზრები და სუპერმარკეტები მოიარა და დათვალა, დაახლოებით რამდენი დაჯდება ტრადიციული ქართული საახალწლო სუფრა.

აღიარეთ, რამდენჯერ მოგისმენიათ ირგვლივ მყოფთა წუწუნი თემაზე, რომ ახალი წელი მხოლოდ ერთი დიდი და უსასრულო ქეიფია. და ეს ყველაფერი ძველ ახალ წლამდე გრძელდება.

მაგრამ, ყველაფრის მიუხედავად, ყოველ ახალ წელს ვყიდულობთ უამრავ პროდუქტს და ვამზადებთ კერძებს. ასეთი ტრადიცია გვაქვს. თანაც იმდენს ვამზადებთ, რომ ამდენის ათვისება არარეალურია. ჩვენ გვინდა, რომ სუფრაზე კერძები ერთმანეთზე სართულებად ელაგოს. ნათქვამია, ახალ წელს როგორც შეხვდები, ისევე გაატარებო. და ამის გვჯერა! აბა, ნათელი მომავლის იმედს ხომ არ დავკარგავთ?! ჩვენ, რა თქმა უნდა, ევროპისკენ და მისი ტრადიციებისკენ მივილტვით, და ამავე დროს კავკასიურად არაფერში ზომა არ ვიცით. ამიტომ როდესაც ახალი წელი მოდის, ფულს ნავთობის მაგნატებივით ვფლანგავთ. აქ მთავარია დროულად შევჩერდეთ, მერე გვიანი რომ არ იყოს. მით უმეტეს, რომ ლარი დიდი სისწრაფით უფასურდება.

მაგრამ დღესასწაული დღესასწაულია. და გემრიელი კერძების დაგემოვნების სურვილიც დიდია. ჩვენ გადავწყვიტეთ დაგვეთვალა, რა დაგვიჯდება ეს სიამოვნება.

© Sputnik / Alexander Imedashviliსადღესასწაულო სუფრა ქართული კერძებითა და ღვინით
სადღესასწაულო სუფრა ქართული კერძებითა და ღვინით - Sputnik საქართველო
სადღესასწაულო სუფრა ქართული კერძებითა და ღვინით

საცივი

საახალწლო სუფრაზე სამეფო ადგილი ეთმობა საცივს. საცივის მომზადების რეცეპტი ინდაურის ყიდვას მოითხოვს. ინდაური, მისი ზომიდან გამომდინარე, საშუალოდ 60-100 ლარი ღირს. ინდაურის ნაცვლად ქათამიც გამოგადგებათ, რომლის ერთი კილოგრამის ფასი 6-7 ლარია.

საცივის შემდეგი აუცილებელი კომპონენტი ნიგოზია. ერთი კილოგრამი ნიგოზი 22-28 ლარი ღირს, ნიორი — 8-10 ლარი, ორი-სამი ლარის სანელებლებიც და თქვენი საცივი დაახლოებით 95 ლარი დაჯდა.

© Sputnik / Levan Avlabreliქართული სანელებლები
ქართული სანელებლები - Sputnik საქართველო
ქართული სანელებლები

ფხალი

ყველაზე პოპულარულია ისპანახის ფხალი, რომლის ერთი კილოგრამი 1,5-2 ლარი ღირს. ბადრიჯნის ფასი ბაზარშიც და სუპერმარკეტების ქსელებშიც 3,5 ლარს შეადგენს.

© Sputnik / Levan Avlabreliსალათის ფურცლები
სალათის ფურცლები - Sputnik საქართველო
სალათის ფურცლები

მწნილი

მწნილი საახალწლო სუფრის აუცილებელი ატრიბუტია. მისი არომატი გულგრილს არავის დატოვებს. ერთი კილოგრამი მწნილი საშუალოდ 3-7 ლარი ღირს.

© Sputnik / Levan Avlabreliმწნილეული
მწნილეული - Sputnik საქართველო
მწნილეული

"ოლივიე"

ეს სალათი, როგორც წარსულის ნოსტალგია, ბევრ ოჯახში უყვართ და საახალწლოდ მზადდება. ეს ნოსტალგია დაახლოებით ათი ლარი დაგიჯდებათ.

© photo: Sputnik / ალექსეი კუდენკომაიონეზის სალათი ოლივიე
მაიონეზის სალათი ოლივიე - Sputnik საქართველო
მაიონეზის სალათი ოლივიე

ხაჭაპური

გადავდივართ ცხელ კერძებზე. კარგი სახაჭაპურე იმერული ყველი 9 ლარი ღირს, სულგუნი — 12-14 ლარი. თუ ცომისთვის საჭირო მასალის ღირებულებასაც მივუმატებთ, ხაჭაპური დაახლოებით 20 ლარი დაგვიჯდება.

© Sputnik / Levan Avlabreliყველი
ყველი - Sputnik საქართველო
ყველი

ტოლმა

ტოლმისთვის ერთი კილოგრამი ძროხის ან ღორის ხორცი საშუალოდ 12 ლარი ღირს. ამას ვაზის ფოთოლი, ბრინჯი, ხახვი, მწვანილი მივუმატოთ. ტოლმის ფასი სადღაც 20 ლარის ფარგლებში გამოვა.

ლაბა

აქ დაგვჭირდება ღორის ფეხები და თავი, საქონლის არტალის ნაჭერი. ჯამში ეს ყველაფერი 30 ლარის ფარგლებში დაჯდება.

© Sputnik / Levan Avlabreliხილი და ბოსტნეული
ხილი და ბოსტნეული - Sputnik საქართველო
ხილი და ბოსტნეული

გოჭი

ითვლება, რომ გოჭის სიმსუქნეზე ოჯახის კეთილდღეობაა დამოკიდებული. და ეს კეთილდღეობა 80 ლარიდან და ზემოთ დაჯდება.

© Sputnik / Levan Avlabreliგოჭები
გოჭები - Sputnik საქართველო
გოჭები

მწვადი

მწვადისთვის დაახლოებით ორი კილოგრამი ღორის ხორცი დაგჭირდებათ. ხორცის არჩევას აქ დიდი მნიშვნელობა აქვს. სამწვადე ხორცი (სუკი) უფრო ძვირი ღირს — 16-18 ლარი.

© Sputnik / Alexander Imedashviliმწვადის შეწვა ქართულად
მწვადის შეწვა ქართულად - Sputnik საქართველო
მწვადის შეწვა ქართულად

გოზინაყი

ამ ზღაპრული ტკბილეულის გასაკეთებლად დაგვჭირდება ნიგოზი და თაფლი. ნამდვილი თაფლი (ერთი კილოგრამი) 20-25 ლარი ღირს, ნიგოზი უკვე ზემოთ ვახსენეთ. შესაბამისად, გოზინაყის გასაკეთებლად 35 ლარი დაგვჭირდება.

© Sputnik / Levan Avlabreliნიგოზი
ნიგოზი - Sputnik საქართველო
ნიგოზი

დაგვრჩა ჩურჩხელები (1,5-3 ლარი), ჩირი (7-10 ლარი), კანფეტები და ნამცხვრები. ამ ყველაფრისთვის სადღაც 30 ლარი დაგვჭირდება.

© Sputnik / Levan Avlabreliჩურჩხელები და ჩირები
ჩურჩხელები და ჩირები - Sputnik საქართველო
ჩურჩხელები და ჩირები

სასმელები

ქარხნის ღვინის ფასის დიაპაზონი ძალიან ფართოა, იგივე შეიძლება ითქვას არაყზეც. ოჯახის ღვინო კი სამიდან ხუთ ლარამდე ღირს, სახლის ჭაჭა — 4 ლარი. ერთლიტრიანი ლიმონათის ბოთლი 1,5 ლარი ჯდება.

© Sputnik / Anna Yarovikova ანა იაროვიკოვაქართული ღვინო
ქართული ღვინო - Sputnik საქართველო
ქართული ღვინო

კიდევ ერთი მნიშვნელოვანი მომენტი. საახალწლოდ ფასებმა შიძლება მოიმატოს, ამიტომ იჩქარეთ!

თუ ყველაფერს შევაჯამებთ, საახალწლო სუფრა მინიმუმ 500 ლარი დაჯდება!

გილოცავთ დამდეგ ახალ წელს!

ყველა ახალი ამბავი
0