საქართველო-სომხეთის საზღვარზე „მეგობრობის ხიდის“ მშენებლობა დაიწყო

© photo: Sputnik / Aram Nersesyanსაქართველო-სომხეთის საზღვარზე „მეგობრობის ხიდის“ მშენებლობა დაიწყო
საქართველო-სომხეთის საზღვარზე „მეგობრობის ხიდის“ მშენებლობა დაიწყო

 - Sputnik საქართველო, 1920, 10.07.2021
გამოწერა
პროექტის თანახმად, გათვალისწინებულია 32 მეტრის სიგრძის 5-მალიანი რკინაბეტონის კონსტრუქციების, ასევე, ხიდისკენ მიმავალი გზების აგება.
თბილისი, 10 ივლისი – Sputnik. საქართველო-სომხეთის საზღვარზე „მეგობრობის ხიდის“ მშენებლობა დაიწყო, ნათქვამია საქართველოს რეგიონული განვითარებისა და ინფრასტრუქტურის სამინისტროს განცხადებაში.
გვირაბის მშენებლობა - Sputnik საქართველო, 1920, 11.06.2021
საქართველოში ყველაზე გრძელი გვირაბის მშენებლობა დაიწყო
ხიდის მშენებლობის პროექტი ჯერ კიდევ 2013 წელს გამოცხადდა, მისი ექსპლუატაციაში ჩაბარება დაგეგმილი იყო 2016 წლის ბოლოსთვის. თარიღი რამდენჯერმე გადაიდო. 2018 წლის ბოლოს კონტრაქტორმა კომპანიამ ხელი მოაწერა ხელშეკრულებას ქართულ და სომხურ მხარეებთან და გადაწყდა, რომ მშენებლობა 2022 წელს დასრულდება.
საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ დაათვალიერა სამშენებლო სამუშაოები და ისაუბრა გამოწვევებზე, რომელთა წინაშეც დგას პროექტი.
„რა თქმა უნდა, მასშტაბური პროექტი ყოველთვის სავსეა სირთულეებით და თუ გავითვალისწინებთ ბოლო პერიოდში ჩვენ მეზობელ ქვეყანაში არსებულ გამოწვევებს, კიდევ უფრო დასაფასებელია სომხური მხარის ძალისხმევა და წვლილი, რისთვისაც მადლობა მინდა გადავუხადო მათ. პოსტპანდემიურ  პერიოდში მნიშვნელოვანია ეკონომიკის აღდგენა და ჩვენ ამისთვის ინფრასტრუქტურული კუთხით მნიშვნელოვან სამუშაოს ვასრულებთ“, - განაცხადა ირაკლი ქარსელაძემ.
სომხეთის ტერიტორიული მართვისა და ინფრასტრუქტურის მინისტრმა სურენ პაპიკიანმა თავის მხრივ აღნიშნა, რომ პროექტს ორივე ქვეყნისთვის სტრატეგიული მნიშვნელობა გააჩნია.
„ტვირთგადაზიდვების განვითარებას ჩვენი ქვეყნებისთვის სტრატეგიული მნიშვნელობა გააჩნია“, - განაცხადა პაპიკიანმა.
„მეგობრობის ხიდის“ ერთი ნაწილი საქართველოს ტერიტორიაზე იქნება, მეორე კი - სომხეთის. მხარეებმა დაფინანსებაც გაიყვეს - EBRD-ის კრედიტის 50%-ს სომხეთი გადაიხდის, დანარჩენ 50%-ს - საქართველო. კონტრაქტი ხიდის პროექტირება-მშენებლობაზე ხელმოწერილია კომპანიასთან Ariana Tunnel Dam Co. (ირანი). ტექნიკურ ზედამხედველობას ახორციელებენ კომპანიები Soosung Engineering Co., Ltd და Korea Consultants International Co., Ltd. (კორეა).
სომხეთ-საქართველოს საზღვარი - Sputnik საქართველო, 1920, 29.11.2020
სომხეთ-საქართველოს საზღვარზე საკონტროლო-გამშვები პუნქტი მუშაობას განაახლებს
„მეგობრობის ხიდი“ წარმოადგენს ორ ცალკე ხიდს ორივე მიმართულებით, თითოეულის სიგანე 11,85 მეტრია. ისინი ერთმანეთისგან ერთი მეტრით იქნება დაშორებული. მათი საერთო სიგანე 24,7 მეტრი იქნება.
პროექტის თანახმად, გათვალისწინებულია 32 მეტრის სიგრძის 5-მალიანი რკინაბეტონის კონსტრუქციების, ასევე, ხიდისკენ მიმავალი გზების აგება. თავად ხიდს ექნება განათება და წყალარინების სისტემა.
რაც შეეხება მოქმედ ვიწრო ხიდს, ის შეკეთდება და საცობების შემთხვევაში მოძრაობის განტვირთვისთვის იქნება გამოყენებული.
 
ყველა ახალი ამბავი
0