მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აზერბაიჯანის პროკურატურამ რუსული ვერტმფრენის ჩამოგდების ფაქტზე გამოძიება დაიწყო

© photo: Sputnik / Anar Mustafaevაზერბაიჯანის გენერალური პროკურატურის შენობა
აზერბაიჯანის გენერალური პროკურატურის შენობა - Sputnik საქართველო
გამოწერა
აზერბაიჯანის რესპუბლიკის გენერალური პროკურორი დაუკავშირდა თავის რუს კოლეგას და გამოძიების მიმდინარეობისა და დამნაშავეთა წრის დასადგენად ჩატარებული საგამოძიებო ღონისძიებების შესახებ აცნობა

თბილისი, 10 ნოემბერი - Sputnik. აზერბაიჯანის რესპუბლიკის გენერალურმა პროკურატურამ რუსეთის ფედერაციის კუთვნილი Ми-24-ის ტიპის სამხედრო ვერტმფრენის ჩამოგდების ფაქტზე სისხლის სამართლის საქმე აღძრა, იუწყება Sputnik-აზერბაიჯანი.

ორშაბათს, 9 ნოემბერს, 18:30 საათზე ბაქოს დროით ნახიჩევანის ავტონომიური რესპუბლიკის საზღვართან (აზერბაიჯანის ტერიტორია) რუსულ ვერტმფრენი Ми-24 ჩამოაგდეს. ვერტმფრენის ჩამოვარდნის შედეგად დაიღუპა ეკიპაჟის ორი წევრი, ერთი სამხედრო დაშავდა.

სომხეთში ჩამოვარდა რუსული ვერტმფრენი, არიან დაღუპულები - Sputnik საქართველო
სომხეთში ჩამოვარდა რუსული ვერტმფრენი, არიან დაღუპულები

სისხლის სამართლის საქმე აღიძრა აზერბაიჯანის რესპუბლიკის სისხლის სამართლის კოდექსის 342.2 მუხლით (სამსახურებრივი გულგრილობა, რამაც ორი ან მეტი პირის სიცოცხლის მოსპობა გამოიწვია, ჩადენილი ომის დროს ან საბრძოლო ვითარებაში). ფაქტზე საგამოძიებო მოქმედებები ნახიჩევანის ავტონომიური რესპუბლიკის სამხედრო პროკურატურას დაევალა.

პროკურატურის თანამშრომლებმა სამხედრო ექსპერტების მონაწილეობით შეისწავლეს სარაკეტო დანადგარი, აგრეთვე ინფორმაციული სისტემები, გამოკითხეს სამხედრო მოსამსახურეები და გამოითხოვეს გამოძიებისთვის საჭირო ყველა დოკუმენტაცია.

ამჟამად მიმდინარეობს ინტენსიური ოპერატიული და საგამოძიებო ღონისძიებები დამნაშავეების გამოვლენისა და მათი პასუხისგებაში მისაცემად.

აზერბაიჯანმა რუსული ვერტმფრენის ჩამოგდებისთვის ბოდიში მოიხადა - Sputnik საქართველო
აზერბაიჯანმა რუსული ვერტმფრენის ჩამოგდებისთვის ბოდიში მოიხადა

სისხლის სამართლის საქმესთან დაკავშირებით, აზერბაიჯანის რესპუბლიკის გენერალურმა პროკურორმა კამრან ალიევმა ოფიციალური წერილით მიმართა და ტელეფონით დაუკავშირდა რუსეთის ფედერაციის გენერალურ პროკურორ იგორ კრასნოვს. აზერბაიჯანის უწყების ხელმძღვანელმა სამძიმარი გამოუცხადა რუს კოლეგას და დაჭრილ სამხედრო მოსამსახურეს უსწრაფესი გამოჯანმრთელება უსურვა.

გენერალური პროკურატურის ხელმძღვანელმა გამოძიების მიმდინარეობაზე ისაუბრა და აღნიშნულ ფაქტზე სრულყოფილი და ობიექტური გამოძიების ჩატარება აღუთქვა.

თავის მხრივ, კრასნოვმა აცნობა რუსეთის ფედერაციის გენერალური პროკურატურის მიერ იმავე ინციდენტზე პარალელური სისხლის სამართლის საქმის აღძვრის შესახებ. გამოძიების მიმდინარეობისას აზერბაიჯანის უწყებასთან კოორდინაცია გამოძიების ეფექტურობას შეუწყობს ხელს, აღნიშნა რუსული უწყების წარმომადგენელმა.

ყველა ახალი ამბავი
0