თბილისი, 3 ოქტომბერი - Sputnik. სომხეთის სამოციქულო ეკლესიის არცახის ეპარქიის წინამძღოლმა, არწიეპისკოპოსმა პარღევ მარტიროსიანმა მსოფლიოს სომხებს მოუწოდა, ილოცონ მათი არმიისთვის, იუწყება „Sputnik სომხეთი“.
არცახი — ეს არის არაღიარებული მთიანი ყარაბაღის რესპუბლიკის თვითშერქმეული სახელი.
„მოვუწოდებ მთელი მსოფლიოს სომხებს, დღეს, 18:00 საათზე, შემოგვიერთდნენ ლოცვაში. ამით გამოცხატავთ ჩვენი არმიისადმი მხარდაჭერას“, — აღნიშნა არქიეპისკოპოსმა.
მისი თქმით, ყარაბაღის მეთაური არაიკ არუთუნიანი ფრონტის წინა ხაზზე იმყოფება და „დღეს ნამდვილად მიდის სასტიკი ბრძოლა სიცოცხლის, არსებობისა და მშვიდობისთვის“.
პარღევ მარტიროსიანმა მოუწოდა ყველა სომეხს, გამოავლინონ საერთო ნება, რაც სომხური ჯარისთვის მძლავრი მხარდაჭერა იქნება.
სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.
