Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

სომხეთში რუსეთიდან ექიმებს ელოდებიან

© photo: Sputnik / Tatiana Makeeva / გადასვლა მედიაბანკშიმედიკოსი
მედიკოსი - Sputnik საქართველო
გამოწერა
სომხეთში კოკრონავირუსით ინფიცირების შემთხვევების რაოდენობა 20 268-მდე გაიზარდა, გასულ დღე-ღამეში 560 ახალი შემთხვევა გამოვლინდა

თბილისი, 21 ივნისი – Sputnik. ერევანში კორონავირუსთან საბრძოლველად მოსკოვიდან რუსი ექიმების ჯგუფი ჩავა, იუწყება Sputnik-სომხეთი.

ადრე სომხეთის ჯანდაცვის მინისტრმა არსენ ტოროსიანმა განაცხადა, რომ დაახლოებით 50-მა ექიმმა რუსეთიდან გამოთქვა სურვილი დაეხმაროს რესპუბლიკას, ისინი ადგილზე ჩავლენ და რამდენიმე კვირის განმავლობაში იმუშავებენ.

ნიკოლ ფაშინიანი - Sputnik საქართველო
ფაშინიანი: სომხეთში კორონავირუსის შემთხვევების რეკორდული ზრდა დაფიქსირდა

სომხეთში უკვე ჩავიდნენ მედიკოსები საფრანგეთიდან და ლიტვიდან, რომლებიც ადგილობრივ ექიმებს კორონავირუსთან ბრძოლაში ეხმარებიან.

21 ივნისისთვის კორონავირუსის დადასტურებული შემთხვევების რაოდენობა სომხეთში 20 268-მდე გაიზარდა. გასულ დღე-ღამეში ინფიცირების 560 ახალი შემთხვევა გამოვლინდა.

საერთო ჯამში კორონავირუსით გარდაიცვალა 350 ადამიანი (პლუს 18 გასულ დღე-ღამეში). კორონავირუსის დიაგნოზით, თუმცა სხვა მიზეზით გარდაიცვალა 114 პაციენტი (პლუს 1 გასულ დღე-ღამეში).

ინფექცია 9002-მა ადამიანმა დაამარცხა. მკურნალობის კურსს 10 802 პაციენტი გადის. ქვეყანაში კორონავირუსის გამოსავლენად 95 754 ტესტი ჩატარდა.

სომხეთში 16 მარტიდან 13 ივლისამდე საგანგებო მდგომარეობის რეჟიმი მოქმედებს. აკრძალულია თავყრილობები და მიტინგები. სავალდებულოა პირბადეების ტარება.

ყველა ახალი ამბავი
0