Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

კორონავირუსის შემთხვევების რაოდენობამ სომხეთში 3313-ს გადააჭარბა

CC0 / leo2014 / Epidermic Wuhan's Virus Quarantineსამედიცინო პირბადე
სამედიცინო პირბადე - Sputnik საქართველო
გამოწერა
თუ ბოლო დღეების დინამიკა შენარჩუნდება, COVID-19-ის დადასტურებული შემთხვევების რაოდენობა ყოველ 15 დღეში გაორმაგდება, განაცხადა სომხეთის ჯანდაცვის მინისტრმა

თბილისი, 10 მაისი - Sputnik. სომხეთში COVID-19-ი დადასტურებული შემთხვევების რაოდენობა 3313-მდე გაიზარდა, იუწყება „Sputnik-სომხეთი“.

შედარებისთვის, 9 მაისს ქვეყანაში იყო 3175 დადასტურებული შემთხვევა. ამგვარად, ერთ დღე-ღამეში ინფიცირების შემთხვევების რაოდენობა გაიზარდა 138-ით.

კორონავირუსი აშშ-ში - Sputnik საქართველო
კორონავირუსი აშშ-ში, იტალიასა და მსოფლიოში - ბოლო მონაცემები 10 მაისისთვის

დაავადებათა კონტროლის და პროფილაქტიკის ეროვნული ცენტრის ახალი მონაცემებით, კორონავირუსით გამოწვეული გართულებებით ქვეყანაში გარდაიცვალა 45 ადამიანი (1 ადამიანი გასულ დღე-ღამეში გარდაიცვალა). კორონავირუსის დიაგნოზით სხვა მიზეზების გამო გარდაიცვალა 15 ადამიანი (სამი გასულ დღე-ღამეში).

საერთო ჯამში COVID-19 1325 პაციენტმა დაამარცხა. მკურნალობის კურსს 1928 ადამიანი გადის. ქვეყანაში კორნავირუსზე სულ 31 590 ტესტი ჩატარდა.

აღნიშნულია, რომ ბოლო 24 საათში გარდაიცვალა 74 წლის ქალი, რომელსაც თანმდევი ქრონიკული დაავადებები აღენიშნებოდა.

შაბათს სომხეთის ჯანდაცვის მინისტრმა არსენ ტოროსიანმა განაცხადა, რომ კორონავირუსის გავრცელების წინააღმდეგ დაწესებული უსაფრთხოების წესების დაცვა კიდევ დიდი ხნის განმავლობაში იქნება საჭირო. თუ ბოლო დღეების დინამიკა შენარჩუნდება, COVID-19-ის დადასტურებული შემთხვევების რაოდენობა ყოველ 15 დღეში გაორმაგდება. ამგვარად, არსებული ტენდენციის მიხედვით, 24 მაისს ინფიცირების შემთხვევების რაოდენობა მიაღწევს 6 350-ს, ხოლო 8 ივნისს - 12 700-ს.

ყველა ახალი ამბავი
0