მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

საქართველოს მოქალაქეები აზერბაიჯანს სულ უფრო ხშირად სტუმრობენ

© photo: Sputnik / Valery Shustrov / გადასვლა მედიაბანკშიბაქოს პანორამა
ბაქოს პანორამა - Sputnik საქართველო
გამოწერა
საქართველოდან აზერბაიჯანში ტურისტების ნაკადი 2019 წლის შვიდ თვეში 23%-ით გაიზარდა

თბილისი, 11 აგვისტო - Sputnik. აზერბაიჯანის ტურიზმის სტატისტიკამ გასული წლის მაჩვენებლებს გადააჭარბა, იუწყება „Sputnik-აზერბაიჯანი“ ტურიზმის სახელმწიფო სააგენტოზე დაყრდნობით.

ივლისში აზერბაიჯანი მოინახულა 365 ათასმა უცხოელმა, რაც 2018 წლის ანალოგიურ პერიოდთან შედარებით 10,6%-ით მეტია.

მესამედზე მეტი რუსეთიდან იყო ჩასული (128,5 ათასი ადამიანი). ამასთან მოგზაურთა ყველაზე შესამჩნევი ზრდა შეინიშნება საქართველოდან - 25%. ივლისში აზერბაიჯანში 61 ათასი საქართველოს მოქალაქე იმყოფებოდა.

ტურისტები თბილისის ქუჩაში - Sputnik საქართველო
საქართველოს ტურისტულ სფეროში რეკორდი ვერ დამყარდა - სტატისტიკური მონაცემები

2019 წლის დასაწყისიდან აზერბაიჯანს 1,8 მილიონი უცხოელი ესტუმრა. 2018 წლის მაჩვენებლებთან შედარებით, ტურისტების ნაკადის ზრდა დაახლოებით 7,4%-ს შეადგენს.

საქართველოდან ტურისტების ნაკადი 76 ათასით ანუ 23%-ით გაიზარდა, რუსეთიდან და თურქეთიდან - 4%-ით. ტურისტების რიცხვის ზრდამ ცენტრალური აზიიდან შეადგინა 39%, სამხრეთ აზიიდან - 44%.

აღსანიშნავია, რომ ჯერ კიდევ რამდენიმე წლის წინ აზერბაიჯანის მაღალჩინოსნები ქვეყანაში წელიწადში სამ მილიონამდე ტურისტის მოზიდვის გეგმებზე საუბრობდნენ.

ყველა ახალი ამბავი
0