თბილისი, 28 ივლისი — Sputnik. სომხეთის ეროვნული უშიშროების სამსახურის დელეგაცია სახელმწიფო საზღვრის კონტროლის გამოცდილების გაცვლის მიზნით თბილისში ვიზიტით იმყოფებოდა, აღნიშნულია საქართველოს შსს–ს სასაზღვრო პოლიციის ვებ–გვერდზე განთავსებულ განცხადებაში.
შეხვედრა ხელმოწერილი გეგმის "საქართველოს შსს-ს სასაზღვრო პოლიციასა და სომხეთის ეროვნული უსაფრთხოების სამსახურის სასაზღვრო ძალებს შორის სასაზღვრო საკითხებში ერთობლივი ღონისძიებების ჩატარებასთან დაკავშირებით" ფარგლებში გაიმართა.
შეხვედრაზე მხარეებმა განიხილეს ორმხრივი თანამშრომლობის პერსპექტივები, აღნიშნეს გამოცდილების გაზიარების, საერთაშორისო ურთიერთობების საკითხებში ურთიერთქმედების მნიშვნელობა.
სომხეთის დელეგაცია ასევე ეწვია საკონტროლო–გამშვებ პუნქტებს საქართველო–სომხეთისა და საქართველო–თურქეთის საზღვრებზე.
ივლისში ერევანში სამუშაო ვიზიტით იმყოფებოდა საქართველოს შსს–ს სასაზღვრო პოლიციის სწპარტამენტის უფროსი, გენერალ–მაიორი დათო ნიკოლეიშვილი.
