ლაურა სარქისიანი
ძველი თბილისის პანორამები, ასაკოვანი ქალბატონების ნაღვლიანი თვალები და ახალგაზრდების ნათელი სახეები - ამ ფოტოების ნახვა ერევნის ერთ-ერთ საგამოფენო დარბაზში ერთი კვირის განმავლობაში იქნება შესაძლებელი.
„ეს ჩემი ცხოვრების, ცხოვრებასთან ჩემი ურთიერთობის ნაწილია. აქ გამოსახულია ადამიანები, ვისთანაც ურთიერთობა მქონდა. თითოეულ სურათს საკუთარი ისტორია გააჩნია“, — განაცხადა „Sputnik სომხეთის“ კორესპონდენტთან საუბრისას იური მეჩითოვმა.
საქართველოს ორმაგი ფურცლები ერევანში კვირის ბოლომდე დარჩება, შემდეგ ფოტონამუშევრების ავტორი ყაზახეთში მიემგზავრება. ალმათის მცხოვრებლებს გამოფენა 5 მაისიდან უმასპინძლებს.
„მეჩითოვს პირველად 2012 წელს შევხვდი. იმ დროს საქართველოში ხელისუფლება შეიცვალა, და მეჩითოვი კულტურის მინისტრის მოადგილის თანამდებობაზე დაინიშნა. მე მაშინ სომხეთის ელჩი ვიყავი და მასთან პროექტების განსახილველად მივედი, რომელთა განხორციელება კულტურის სამინისტროსთან ერთად გვინდოდა“, — უამბო „Sputnik სომხეთის“ კორესპონდენტს საქართველოში სომხეთის ყოფილმა ელჩმა ჰოვანეს მანუკიანმა.
„მაშინ ვიფიქრე, რომ ის თანამდებობიდან მალე წავიდოდა. ასეც მოხდა. თავისუფალი ადამიანი, მხატვარი, ჩინოვნიკის სავარძელში თავს კომფორტულად ვერ გრძნობს, ის შემოქმედებას უზღუდავს“, — განაცხადა მანუკიანმა და დაამატა, რომ იმ შეხვედრის შემდეგ ისინი დამეგობრდნენ.
გამოფენა ორგანიზაცია „კავკასიური პარტნიორობის“ ინიციატივით იმართება. ორგანიზაცია როგორც საქართველოში, ისე სომხეთში სხვადასხვა ღონისძიებების გამართვას გეგმავს: პოლიტოლოგების, საზოგადო, პოლიტიკურ მოღვაწეთა და დიპლომატების მონაწილეობით მრგვალი მაგიდისა და კონფერენციების ჩატარებას.
„კავკასიური პატნიორობის“ პირველი ღონისძიება გახდა თბილისში გამართული ცნობილი სომეხი ფოტოგრაფისა და ფოტოჟურნალისტის გერმან ავაკიანის გამოფენა.