საქართველოში სომხეთის მოქალაქეები არჩევნებზე ხმის მიცემას ვერ შეძლებენ

© photo: Sputnikეჩმიაძინი
ეჩმიაძინი - Sputnik საქართველო
გამოწერა
სომხეთში დაგეგმილი არჩევნების დღეს ქვეყნის საზღვრებსგარეთ საარჩევნო უბნები არ გაიხსნება.

თბილისი, 31 მარტი — Sputnik. სომხეთის მოქალაქეები, რომლებიც ქვეყნის საზღვრებს გარეთ, მათ შორის, თბილისში ცხოვრობენ, საპარლამენტო არჩევნებში მონაწილეობის მიღებას ვერ შეძლებენ, განუცხადა „Sputnik საქართველოს“ სომხეთის ცესკოს პრეს-მდივანმა ერმინე არუთინიანმა. 

თავდცვის სამინისტრო - Sputnik საქართველო
თავდაცვის სამინისტრო უარყოფს რუსეთიდან სომხეთში სამხედრო ტექნიკის ტრანზიტს

სომხეთში საპარლამენტო არჩევნები 2 აპრილს გაიმართება. 

„სომხეთის საზღვრებსგარეთ საარჩევნო უბნები არ გაიხსნება. ჩვენი ქვეყნის საზღვრებს გარეთ ხმის მიცემას მხოლოდ დიპლომატიური კორპუსის წარმომადგენლები და მათი ოჯახის წევრები შეძლებენ, ისიც მხოლოდ ელექტრონული ხმის მიცემით“, — განაცხადა ერმინე არუთინიანმა.

აღნიშნული წესი 1999 წლიდან მოქმედებს, განმართა ცესკოს წარმომადგენელმა.

ოფიციალური წინასაარჩევნო კამპანია 31 მარტს დასრულდება. პოლიციის ინფორმაციით, დარეგისტრირებულ  ამომრჩეველთა საერთო რაოდენობა 2 564 734 ადამიანია. არჩევნებში ცხრა პოლიტიკური ძალა — ხუთი პარტია და ოთხი ბლოკი მონაწილეობს.

 

ყველა ახალი ამბავი
0