თბილისი, 20 ოქტომბერი — Sputnik. აზერბაიჯანში, კერძო სახლში მომხდარმა აფეთქებამ სამი წლის ბავშვის სიცოცხლე იმსხვერპლა, იუწყება საინფორმაციო სააგენტო „რია ნოვოსტი“ ბაქოს საინფორმაციო სააგენტო АПА-ზე დაყრდნობით.
„აბშერონის რაიონის ერთ-ერთ სოფელში, კერძო საცხოვრებელ სახლში აფეთქება მოხდა. წინასწარი მონაცემებით, მუშვიგ გურბანოვის კუთვნილ ორსართულიან სახლში აფეთქება ბუნებრივი აირის გაჟონვამ გამოიწვია“, — იუწყება სააგენტო.
აფეთქების შედეგად სახლის მფლობელის სამი წლის ბავშვი დაიღუპა. მუშვიგ გურბანოვი, მისი მეუღლე და ორი მცირეწლოვანი ბავშვი სხვადასხვა ხარისხის დაზიანებებით საავადმყოფოში მოათავსეს.
მომხდარ ფაქტზე მიმდინარეობს გამოძიება.