თბილისი, 8 სექტემბერი — Sputnik. საქართველოს მოქალაქეები, რომლებიც აზერბაიჯანში იმყოფებიან, ხმას საქართველოს საელჩოში გახსნილ საარჩევნო უბანზე აძლევენ, იუწყება საინფორმაციო სააგენტო "რია ნოვოსტი" სააგენტო „ტრენდზე“ დაყრდნობით.
„საპარლამენტო არჩევნებისთვის ბაქოში მდებარე საქართველოს საელჩოში საარჩევნო უბანი გაიხსნა აზერბაიჯანში მცხოვრები ან დასაქმებული საქართველოს მოქალაქეებისთვის. საარჩევნო უბანი დილის 8 საათზე გაიხსნა და ხმის მიცემა საღამოს 8 საათამდე გაგრძელდება“, — ციტირებს სააგენტო აზერბაიჯანში საქართველოს საელჩოს განცხადებას.
საელჩოში გახსნილი საარჩევნო უბნის ცნობით, ხმის მიცემის შედეგები საქართველოს ცენტრალურ საარჩევნო კომისიას გადაეგზავნება.