თბილისი, 2 აპრილი — Sputnik. არაღიარებული მთიანი ყარაბაღის რესპუბლიკის თავდაცვის სამინისტრო აზერბაიჯანული „დივერსიული ჯგუფის“ თავდასხმის შესახებ ავრცელებს ინფორმაციას, ხოლო აზერბაიჯანის სამხედრო უწყება მოწინააღმდეგის რიგებში ცოცხალი ძალისა და ტექნიკის დანაკარგებზე საუბრობს, — იუწყება РИА Новости.
სომხეთმა და აზერბაიჯანმა ყარაბაღის კონფლიქტის ზონაში ვითარების გამწვავებაზე განცხადება გააკეთეს. აზერბაიჯანის თავდაცვის სამინისტრო იუწყება, რომ სროლა სომხეთის შეიარაღებული ძალების მხრიდან დაიწყო, ხოლო სომხეთის სამხედრო უწყება აზერბაიჯანული „დივერსიული ჯგუფის“ თავდასხმის შესახებ ავრცელებს ინფორმაციას.
ორივე მხარე საუბრობს დანაკარგებზე მოწინააღმდეგის რიგებში.
მანამდე კი, შაბათ ღამეს ბაქომ სომხური მხარე აზერბაიჯანული პოზიციების ნაღმმტყორცნებითა და მსხვილკალიბრიანი ტყვიამფრქვევებით დაცხრილვაში დაადანაშაულა.
