„დინამოს“ სტადიონი გაფართოვდება - რეკონსტრუქციის ახალი კონცეფცია

თბილისი, 11 მაისი — Sputnik. იგეგმება ბორის პაიჭაძის სახელობის „დინამოს“ სტადიონის რეკონსტრუქცია - არქიტექტორულმა ბიურო „დინასტიამ“ ახალი კონცეფცია წარადგინა.

პროექტი ითვალისწინებს მაყურებელთა რაოდენობის გაზრდას 70.000-მდე, პარკინგის მოწყობას საორიენტაციოდ 800 ავტო მანქანაზე, საზოგადოებრივი სივრცის შექმნას და მისი ინტეგრაციას ქალაქის ურბანულ სივრცეში, ობიექტის ტერიტორიაზე კომერციული ფართის მოწყობას.

საკვანძო ცვლილებები - სარბენი ბილიკების გაუქმება და არენის წმინდა საფეხბურთო სტადიონად გადაქცევა; პირველი იარუსის სრული სახეცვლილება - ახალი იარუსის დაპროექტება, სადაც შესაბამისი გათვლების საფუძველზე ნარჩუნდება სტადიონის უნიკალური ხედვის მრუდე, რათა არ დაირღვეს ტრიბუნის ნებისმიერი წერტილიდან არსებული კომფორტული ხედვა. გადახურვა ისე შეიცვლება, რომ ყველა დასაჯდომი ადგილი (ორივე იარუსის 100%) იყოს გადახურვის ქვეშ.

ასევე:

როგორც არქიტექტურული კომპანიის კონცეფციაში წერია, მნიშვნელოვანი პრობლემა არის სტადიონის საკუთრებაში არსებული მიწის ნაკვეთის უკიდურესად მცირე ფართობი და პროექტი ითვალისწინებს ამ ფართობის მაქსიმალურად ოპტიმალურ გამოყენებას და უეფას მოთხოვნებს. პროექტის განხილვის ინიციატორია საფეხბურთო კლუბ „დინამო თბილისის“ პრეზიდენტი რომან ფიფია.

„დინამოს“ სტადიონი 1936 წელს აშენდა და 90 წლის განმავლობაში არაერთი რეკონსტრუქცია ჩაუტარდა. დღეისთვის სტადიონი 55 ათას მაყურებელს იტევს.

„დინამო არენას" საავტორო უფლების მფლობელები არიან არჩილ და გიორგი ქურდიანები, სწორედ მათი არქიტექტორული ბიუროს მიერ გაკეთდა სტადიონის რეკონსტრუქციის ახალი კონცეფცია.