თბილისი, 19 აპრილი – Sputnik. საგარეო ვაჭრობის მიმდინარე მაჩვენებლები კიდევ ერთხელ ადასტურებს საქართველოში ეკონომიკური აქტივობის ზრდაზე, რაც საბოლოო ჯამში დადებითად აისახება ეკონომიკური ზრდის მაჩვენებლებზე, განაცხადა საქართველოს ეკონომიკისა და მდგრადი განვითარების მინისტრის მოადგილე ვახტანგ ცინცაძემ.
სტატისტიკის ეროვნული სამსახურის „საქატატის" მონაცემებით, 2026 წლის იანვარ-მარტში საქართველოს საგარეო სავაჭრო ბრუნვა გასულ წელთან შედარებით 0,1%-ით გაიზარდა და 5,8 მლრდ დოლარი შეადგინა (არაორგანიზებული ვაჭრობის გაუთვალისწინებლად).
„ჩვენ ველოდებით, რომ იანვარ-მარტში საქართველოში დაფიქსირებული ეკონომიკური ზრდის მაჩვენებლები მომდევნო თვეებშიც შენარჩუნდება და საქართველო მაღალ ეკონომიკურ ზრდას აჩვენებს, რაც მნიშვნელოვნად აღემატება სხვადასხვა საერთაშორისო ფინანსური ინსტიტუტის პროგნოზებს“, - განაცხადა ცინცაძემ.
მისი თქმით, მარტში ექსპორტის რეკორდული მოცულობა დაფიქსირდა, რომელმაც 697 მილიონ დოლარს გადააჭარბა, რაც ამ თვისთვის რეკორდული მაჩვენებელია.
„ასევე აღსანიშნავია, რომ იანვარ-მარტის მონაცემებიც რეკორდულია და, კერძოდ, ექსპორტის დაახლოებით 23%-იანი ზრდა დაფიქსირდა, რომლის ღირებულებამ 1,7 მილიარდ დოლარს გადააჭარბა“, - განმარტა ცინცაძემ.
ეკონომიკის ზრდა
საქართველოს ეკონომიკურმა ზრდამ 2021 წელს 10,6% შეადგინა, 2022 წელს - 11%, 2023 წელს - 7,5%, 2024 წელს -9,4%, 2025 წელს - 7,5%.
2026 წლის თებერვალში ეკონომიკურმა ზრდამ შეადგინა 8,8%, იანვარ-თებერვლის საშუალო ზრდამ კი 8,4%, რაც განსაკუთრებით მნიშვნელოვანია.
საერთაშორისო სავალუტო ფონდმა (IMF) საქართველოს 2026 წლის ეკონომიკური ზრდის პროგნოზი უცვლელად 5,3%-ზე დატოვა, აზიის განვითარების ფონდი კი 5,5%-იან ზრდას ვარაუდობს.