წმინდა ცეცხლის გარდამოსვლა სასწაულია, რომელიც მაცხოვრის საფლავის ტაძარში აღდგომის ღამეს ყოველ წელს ხდება.
წმინდა ცეცხლი ქრისტეს მკვდრეთით აღდგომის არამიწიერი სინათლის სიმბოლოა.
კუვუკლიიდან წმინდა ცეცხლის გარდამოსვლა გამოხატავს საფლავიდან გადმოსულ „ნათელ ჭეშმარიტს“, რაც ქრისტეს აღდგომას ნიშნავს.
ზეციური ცეცხლი იერუსალიმის აღდგომის ტაძარში პირველად III საუკუნეში გადმოვიდა. ცეცხლი ლიტანიობის — განსაკუთრებული ლოცვის დროს ინთება, რომელსაც იერუსალიმის პატრიარქი აღავლენს.
ირანთან ცეცხლის შეწყვეტის შესახებ შეთანხმების გათვალისწინებით, ისრაელის პოლიციამ იერუსალიმში წმინდა ადგილების მოლოცვაზე შეზღუდვები მოხსნა, რამაც ცერემონიის სრულად ჩატარება შესაძლებელი გახადა.
სარაკეტო თავდასხმების გამო იერუსალიმში სამი მონოთეისტური რელიგიის წმინდა ადგილები ერთ თვეზე მეტი ხნის განმავლობაში დაკეტილი იყო მორწმუნეებისთვის.
წელს მაცხოვრის აღდგომის ტაძარში ცეცხლის გარდამოსვლას მხოლოდ 3 ათასი მორწმუნე ესწრებოდა.
იერუსალიმის მაცხოვრის აღდგომის ტაძრის შუაგულში გადმოსული ცეცხლი, ჯერ მთელს ეკლესიაში, შემდეგ კი მთელ მსოფლიოში ვრცელდება.
წმინდა ცეცხლი საქართველოში ჩამოაბრძანეს.
წმინდა ცეცხლი თავდაპირველად სიონის საკათედრო ტაძარში მიაბრძანეს, სადაც სააღდგომო ლიტურგიას მოსაყდრე შიო აღავლენს.
წმინდა ცეცხლი ქრისტეს მკვდრეთით აღდგომის არამიწიერი სინათლის სიმბოლოა.
მაცხოვრის საფლავის ტაძარში წმიდა ცეცხლის გარდამოსვლა ყოველწლიურად მართლმადიდებლური აღდგომის წინ, დიდ შაბათს ხდება. იერუსალიმიდან საქართველოში წმინდა ცეცხლი 1995 წლიდან ჩამოაქვთ.