თბილისი, 7 აპრილი – Sputnik. 7 აპრილს მართლმადიდებელი ეკლესია ერთ-ერთ უდიდეს საუფლო დღესასწაულს – ხარებას აღნიშნავს. რამდენადაც ხარება დაკავშირებულია ქრისტეს დაბადებასთან, ის აღიქმება როგორც კაცობრიობის ხსნის დასაბამი.
უფალმა იესო ქრისტეს შობამდე დიდი ხნით ადრე აღუთქვა კაცობრიობას, რომ მხსნელს, მესიას მოუვლენდა, რომელსაც შობდა ქალწული და უწოდებდა სახელად ემანუელს, რომელიც ითარგმნება როგორც „ჩვენთან არს ღმერთი".
სახარების მიხედვით, გაბრიელ მთავარანგელოზმა 7 აპრილს ახარა ქალწულ მარიამს, რომ ის შობდა იესო ქრისტეს. ამ დღეს ღვთისმშობელთან ერთად მთელ კაცობრიობას ეუწყა, რომ ღმერთმა ადამიანი სიკვდილისა და ცოდვის სამუდამო ტყვეობისათვის ვერ გაიმეტა და ეშმაკის მონობისაგან მისი გამოხსნა გადაწყვიტა.
ხარების დღესასწაულთან დაკავშირებით საქართველოს ყველა ეკლესია–მონასტერში საზეიმო წირვა–ლოცვა აღესრულება.
ხარების დღესასწაულთან დაკავშირებით ეს დღე მორწმუნეებისთვის, ზოგადად, თევზით ხსნილია, თუმცა, 2026 წლის საეკლესიო კალენდრით, რადგანაც 7 აპრილი ვნების შვიდეულს (მძიმე კვირა) დაემთხვა, ამიტომაც თევზით ხსნილი არ არის. დიდმარხვის ეს დღე მორწმუნეთათვის ზეთით ხსნილია.
ხარების დღესასწაულთან დაკავშირებით ეს დღე მორწმუნეებისთვის, ზოგადად, თევზით ხსნილია, თუმცა, 2026 წლის საეკლესიო კალენდრით, რადგანაც 7 აპრილი ვნების შვიდეულს (მძიმე კვირა) დაემთხვა, ამიტომაც თევზით ხსნილი არ არის. დიდმარხვის ეს დღე მორწმუნეთათვის ზეთით ხსნილია.
დიდმარხვა წელს 23 თებერვალს დაიწყო და 12 აპრილს, უფლის აღდგომის ბრწყინვალე დღესასწაულზე დასრულდება.