თბილისი, 29 მარტი – Sputnik. კვირას ღამით თითქმის ყველა ევროპულმა ქვეყანამ საათის ისრები ერთი საათით წინ გადაწია - ქვეყნები ზაფხულის დროზე გადავიდნენ.
ახლა თბილისის დრო ცენტრალური ევროპის დროისგან სამის ნაცვლად ორი საათით განსხვავდება.
დრო ყველა სახელმწიფოში ერთდროულად იცვლება - კვირას დილის 4 საათზე, რადგან ეს მნიშვნელოვანია საერთაშორისო სარკინიგზო და საჰაერო გადაზიდვებისთვის. პროცესი ყოველთვის ერთ და იგივე დღეებში ხდება - მარტის და ოქტომბრის ბოლო კვირა დღეს. კვირის ადრეული დილა იმიტომ შეირჩა, რადგან ყველაზე ნაკლებ დისკომფორტს იწვევს, რადგან ამ დღეს ტრაფიკი ყველაზე ნაკლებია.
მსოფლიოში დაახლოებით 70 ქვეყანაა, რომელიც ზაფხულის/ზამთრის დროზე გადადის - ძირითადად ევროპის ქვეყნები, აშშ, კანადა, სამხრეთ ამერიკის და ჩრდილოეთ აფრიკის რამდენიმე ქვეყანა, ასევე ავსტრალიის ნაწილი.
ევროპული ქვეყნებიდან ზამთრიდან ზაფხულის დროზე მხოლოდ რუსეთი, ბელარუსი და ისლანდია არ გადადის.
ზაფხული/ზამთრის დროზე გადასვლის ერთიანი წესი ევროკავშირში 1996 წლიდან მოქმედებს.