თბილისი, 26 მარტი - Sputnik. უკრაინის საკითხზე მიმდინარე მოლაპარაკებებზე მთავარ საკითხებში, მათ შორის ტერიტორიულთან დაკავშირებით, ჯერჯერობით არანაირი პროგრესი არ არის, განაცხადა რუსეთის პრეზიდენტის პრესმდივანმა დმიტრი პესკოვმა.
„თავიდანვე ყველასთვის გასაგები იყო და ჩვენ არაერთხელ გვითქვამს ამის შესახებ, რომ ისეთი საკითხები, როგორიცაა ტერიტორიული საკითხი, განხილვის მთავარი თემაა. მათზე არანაირი წინსვლა არ ყოფილა. არ არის ის დღემდე“, - განუცხადა პესკოვმა ჟურნალისტებს.
მისი თქმით, უკრაინის საკითხზე სამმხრივი მოლაპარაკებების დროს მოხერხდა გარკვეული მანძილის გავლა კონფლიქტის მოგვარებისკენ, თუმცა „რუსული მხარისთვის კრიტიკული ინტერესის მქონე საკითხები კვლავ არ არის შეთანხმებული“.